Ռոբերտ Քոչարյանի և Փաշինյանի քաղաքական քարոզչական մեքենաները կրկին աշխատում են նույն ուղղությամբ

ՀՀԿ֊ական Միքայել Գրիգորյանը գրում է

Հայաստանի քաղաքական կյանքը կրկին ցույց է տալիս իր «օրինաչափությունները»։ Մենք տեսնում ենք, որ Ռոբերտ Քոչարյանի և Փաշինյանի քաղաքական քարոզչական մեքենաները կրկին աշխատում են նույն ուղղությամբ, նույն թեզերով, նույն մեթոդներով։

Սա պատահականություն չէ։ Սա հստակ և նպատակային ռազմավարություն է, որտեղ թիրախը մնում է անփոփոխ՝ Սերժ Սարգսյանը և ՀՀԿ-մ։ Այս օրակարգը տարիներով իրանց համար գլխավորն էղել, աշխատել են նույն տրամաբանությամբ՝ կիրառելով նույն գործիքակազմը։

Երբ Ռոբերտ Քոչարյանը իր գրքում խոսում է «քաղաքական լեթարգիական քնից դուրս գալու» մասին, նա իմ կարծիքով փաստացի արդարացնում է 2018-ի գործընթացները։ Այն նույն գործընթացները, որոնք Հայաստանը տարան կործանարար ճանապարհով՝ քաոս, պատերազմ, Արցախի կորուստ։ Եվ հիմա նրա լատենտ նիքոլական, 10 տիրոջ ծառա աշխատած որոշ աջակիցները մեղադրում են մեզ Փաշինյանին իշխանության բերելու մեջ՞։ Իրականում հենց իրենք էին, որ այդ նույն քարոզչական հնարքներով տարիներ շարունակ աշխատել են այս օրակարգի և կապիտուլյանտի հաստատման համար։

Այսօր բոլոր հնարավոր միջոցներով փորձում են Նախագահ Սերժ Սարգսյանի շուրջ ձևավորել նոր արհեստական շահարկումներ։ Այս անգամ Գյումրիով: Նույն մեթոդներով, նույն գործիքներով հանրությանն են պարտադրվում այն թեզերը, որոնք հենց իրենք են շրջանառել։ Այսինքն՝ սկզբում իրենք են թեզը ստեղծում, հետո նույն թեզն այլ տեսանկյունից մատուցում՝ նպատակ ունենալով քաղաքական մանիպուլյացիաներ իրականացնել։

Սակայն քաղաքական իրողությունները ցույց են տալիս, որ հանրությունը այլևս չի ենթարկվում նույն հնարքներին կապ չունի դա կանեն Ռոբերտ Քոչարյանի աջակիցները, նիքոլի թմակիցները թե մեկ ուրիշի: Ժամանակը եկել է, որ հանրային-քաղաքական դիսկուրսը դուրս գա այս փակ շղթայից։

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Մարտուն Գրիգորյանի վերաբերյալ քրեական վարույթն ուղարկվել է դատարան Արմեն Գրիգորյանը նոր պաշտոն է ստացել միջազգային ընկերությունում Ում համար են նախարարի աթոռ ազատում Տեսեք ի՜նչ պաշտոնի ա հեսա գնալու․ ԲԱՄԲԱՍԱՆՔ