Ընդդիմադիր ուժերը պետք է լուրջ մոտենան նախընտրական քարոզարշավին. Արմեն Բադալյան

Քաղտեխնոլոգ ԱՐՄԵՆ ԲԱԴԱԼՅԱՆԻ գնահատմամբ՝ Գյումրիում կայացած ավագանու ընտրությունները ցույց տվեցին, որ իշխանությունների իրականացրած գործողություններն ու վարչական ռեսուրսները, որոնք օգտագործվել են նախորդ տարիներին, այս անգամ չունեցան նույն ազդեցությունը։

— Չնայած փորձեցին կիրառել վարչական ռեսուրսներ՝ ընտրությունների արդյունքների վրա ազդեցություն ունենալու համար, դա, ըստ երեւույթին, չունեցավ այն ազդեցությունը, որի վրա իշխանությունը հույսեր էր կապում։ Հետեւաբար, Գյումրիում չհաջողվեց ձեւավորել միանձնյա իշխանություն, ինչը ցուցադրում է, որ վարչական ռեսուրսները չեն կարող լիարժեք վերահսկել ընտրությունների արդյունքները։ Եթե անդրադառնանք ընդդիմության դերակատարությանը, ապա այստեղ պետք է նշենք, որ ընդդիմադիր ուժերը հաճախ նախընտրական քարոզարշավը նախապատրաստում են անբավարար՝ առանց նախնական մոնիտորինգի ու հարցումների, ինչը կարող է նվազեցնել նրանց շանսերը հաղթելու։ Որպեսզի ընտրություններում հաջողություն գրանցեն, ընդդիմադիր ուժերը պետք է լուրջ մոտենան նախընտրական քարոզարշավին, քանի որ քաղաքական մրցավազքը մասնագիտական մոտեցում է պահանջում։ Եվ միայն այդ պայմաններում հնարավոր կլինի հասնել ցանկալի արդյունքների։

Կարծում եմ` եթե ընդդիմությունը ցանկանա ոչ միայն հաղթել, այլ նաեւ ապահովել արդյունավետ եւ համապարփակ փոփոխություններ, այն պետք է լրջորեն վերանայեն իր ներկա ռազմավարությունը եւ որդեգրեն նոր մոտեցումներ: Ամբողջական փոփոխություն կարելի է իրականացնել միայն այն դեպքում, երբ ընդդիմությունը չի սահմանափակվում միայն իշխանությունների դեմ քննադատությամբ, այլ կարող է ներկայացնել կառուցողական ու ստեղծագործական լուծումներ, որոնք հակադրություն են դնում իշխող ուժերի գործողություններին: Մեր ժամանակներում, երբ հասարակությունը շեշտակիորեն պահանջում է նոր գաղափարներ ու արդյունավետ քայլեր, ընդդիմությունը պետք է ստեղծի մի քարոզարշավ, որը ոչ միայն կառկախվի քննադատությունից, այլ նաեւ կներկայացնի տեսլականներ ու լուծումներ, որոնք ի զորու կլինեն բարելավել ներկա իրավիճակը։

ԴԻԱՆԱ ՄԱՆՈՒԿՅԱՆ

Այս թեմայով Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Հրապարակ». Ուժային կառույցները ներից լծվել նախընտրական գործընթացներին «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին Արմեն Գրիգորյանը նոր պաշտոն է ստացել միջազգային ընկերությունում «Ժողովուրդ». Փաշինյանը Արմեն Գրիգորյանի համար նոր պաշտոն է փնտրում