Մեր կռիվը «փորի կռիվ» չէ, «փորի կռիվն» իրենցն է․ Մետաքսե Հակոբյան

Արցախցիների իրավունքների պաշտպանության խորհրդի անդամները կառավարությունում հանդիպել են փոխվարչապետ Տիգրան Խաչատրյանի հետ։ Արցախցիները հավաքվել են կառավարության շենքի մոտ։

Արցախի ԱԺ պատգամավոր Մետաքսե Հակոբյանը լրագրողների հետ զրույցում նշեց, որ դրական սպասումներ չունի, թե կառավարությունը կբավարարի արցախցիների պահանջները։

«Սոցիալական հարցերի շուրջ մասնակի կարգավորումներով կփորձեն ՀՀ մեր հայրենակիցներին ցույց տալ, որ արցախցու կռիվը ոչ թե հայրենիքի կռիվ է, այլ փորի կռիվ է, ինչպես իրենք են սիրում ասել։ Բայց ես վստահեցնում եմ՝ անկախ իրենց որոշումից, այն պահանջները, որը դրվել են Ազատության հրապարակում մարտի 29-ին, այդ պահանջների հետևից մենք անդադար գնալու ենք։ Գլխավոր պահանջը կարմիր գծով գնում է՝ այս իշխանությունները պարտավոր են արժանապատիվ կեցության հնարավորություն ապահովել մեր 160 հազար հայրենակիցների համար, մինչև իրենք կզբաղվեն մեր հավաքական վերադարձով։ Եթե դրական լինի պատասխանը, շատ լավ, եթե ոչ, ուրեմն դրանից բխող քայլեր են լինելու»,- նշեց Հակոբյանը՝ ընդգծելով՝ «Մեր կռիվը փորի կռիվ չէ, փորի կռիվն իրենցն է եղել․․․ Մեր կռիվն Արցախ վերադառնալու մասին է»։

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա