«Հրապարակ». Արցախցիները անցնելու են կոնկրետ գործողությունների

Մամուլի տեսություն 3 Ապրիլ, 2025 8:32

«Հրապարակ» թերթը գրում է. «Արցախցիների պայքարին ի պատասխան՝ սոցապնախարարը հանրահավաքից մեկ օր անց պատասխանեց, որ 50 հազարների աջակցությունը չի շարունակվելու, եւ հորդորեց քաղաքացիություն ստանալ եւ աշխատել։ Սակայն իշխանության բարձր օղակներում, ըստ լուրերի, քննարկվում է 40+10 հազար դրամի աջակցության շրջանակն ընդլայնելու հարցը: Ապրիլի 1-ից այդ նպաստը կստանան բացառապես թոշակառուները, անչափահասները եւ հաշմանդամները։

Բայց քննարկվում է նաեւ գործազուրկներին ու մինչեւ 150 հազար եկամուտ ունեցողներին ընդգրկելու հարցը։ Սպասելու են արցախցիների գործողություններին, հասկանան՝ մարո՞ւմ է ալիքը, թե՞ բորբոքվում` խոստացված մեկ շաբաթում։ Բանն այն է, որ մարտի 29-ին Ազատության հրապարակում բազմամարդ հավաք անցկացրած արցախցիները մեկ շաբաթ ժամանակ են տվել իշխանությանը՝ իրենց սոցիալական հարցերի եւ հատկապես՝ Արցախ վերադարձի խնդրով զբաղվելու համար: Եվ պահանջում են, որ ՀՀ գործիչները չգործածեն «Արցախի էջը փակված է» արտահայտությունը, որը փակում է իրենց վերադարձի ճանապարհը։

Անցած շաբաթվանից արցախցիները նաեւ նստացույց են հայտարարել ու Օպերայի մոտ վրան տեղադրել: Հայտարարված մեկշաբաթյա ժամկետը լրանում է մի քանի օրից: Ենթադրվում է, որ շաբաթ օրն անցնելու են կոնկրետ գործողությունների, եթե իշխանությունը մինչ այդ լուծումների տարբերակներ չներկայացնի»:

https://iravunk.com/sim/?p=309518&l=am/

Այս թեմայով

Կառավարությունը «40+10» սոցիալական ծրագիրը չի շարունակելու, արցախցիները շարունակելու են բողոքի ակցիաները

«Ժողովուրդ». Իշխանության պահանջը պատուհաս է դառնալու իր գլխին

«Ժողովուրդ». Արցախցիները մեծ հանրահավաքի են պատրաստվում

«Հրապարակ». Արցախցիները բացատրություն են պահանջել Վիտալի Բալասանյանից

Այդ հնարավորությունը հավերժ չի լինի․ Բաքուն կոչ է արել Հայաստանին «կոնկրետ քայլեր» անել