«Ժողովուրդ». Իշխանության պահանջը պատուհաս է դառնալու իր գլխին

«Ժողովուրդ» օրաթերթը գրում է. «Հայաստանում արցախցիների յուրաքանչյուր գործարքի կամ գործունեության համար պահանջվում է ունենալ Հայաստանի Հանրապետության անձնագիր, սակայն այդ անձնագիրը պատուհաս է դառնալու հենց իշխանության գլխին։ Բանն այն է, որ իշխանությունները միայն հիմա՝ Արցախի հայաթափումից 2 տարի անց հասկացան, որ արցախցին սպառնալիք է 2026 թվականի խորհրդարանական ընտրություններում։ Պատճառը մեկն է՝ 70-80 հազար արցախցին կարող է պարզապես տապալել խորհրդարանական ընտրությունները։

Քանի՞ անձ է բռնի տեղահանվել Արցախից։

Բռնի տեղահանվածներից քանի՞սն են այժմ Հայաստանում։

Ի պատասխան՝ ստացանք հետեւյալ արձագանքը. «Համաձայն ՀՀ միգրացիայի եւ քաղաքացիական ծառայության կողմից տրամադրված տվյալների՝ 2023 թվականի սեպտեմբերին Լեռնային Ղարաբաղից բռնի տեղահանվել է 115 հազար 86 անձ, որոնցից մինչեւ 2024 թվականի դեկտեմբերը 18-ը ներառյալ ՀՀ-ից մեկնել եւ ՀՀ չեն վերադարձել 11 հազար 412 անձ, իսկ 103 հազար 674 անձ ներկայումս գտնվում են Հայաստանի Հանրապետությունում»,- ասված է «Ժողովուրդ» օրաթերթի հարցմանն ի պատասխան։

Ստացվում է, որ Հայաստանում մնացած 103 հազար 674 արցախցին եթե ստանա ՀՀ քաղաքացիություն, կտապալի ՔՊ-ի վերարտադրումը խորհրդարանական ընտրություններում։ Իշխանություններն էլ իմանալով, որ քաղաքացիության հարցը արցախցիների համար առաջնային հարց ու սկզբունք է, անգամ վարորդական վկայական տրամադրելու համար ՀՀ անձնագիր են պահանջում, սակայն դա ամենեւին իշխանության սրտով չէ։ Արցախցիների մի զգալի մասը հենց այս պատճառով կրկին խնդիրների է ունենում: Բացի դրանից, իշխանությունը նրանց կոնկրետ սպառնալիք է համարում, քանի որ կարծում է՝ Արցախի քաղաքական էլիտան կմասնակցի խորհրդարանական ընտրություններին եւ ձայներ կկորզի»:

Առավել մանրամասն թերթի այսօրվա համարում

Այս թեմայով Ինչքան վառ եմ բեմում, այնքան փակ կարող եմ լինել կյանքում. Ֆլորա Բիչախչյանի բացառիկ հարցազրույցը «Առաջիկա ընտրություններում պատրաստվում եմ սատարել Նիկոլ Փաշինյանին»․ Արցախցի փաստաբան Մայիսը այն ամիսն է,որ պարտադրում է դուրս գալ կոմֆորտ զոնայից,այլապես ոչ մի լավ բանի պետք չի սպասել Մուստաֆաեւը ծննդավա՞յրն էր կարոտել, թե՞ նոր խաղ են սարքում Հայաստանի գլխին      «Ժողովուրդ». Եկեղեցում երիտասարդին հարվածած Փաշինյանի Արտյուշ անունով թիկնապահին արգելել են մարդամեջ մտնել