Առանձնապես խոշոր չափերով թմրամիջոցի իրացում. բացահայտում

Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները, իրացնելով ստացված օպերատիվ տվյալները, մարտի 20-ին, ժամը՝ 18.50-ին, մայրաքաղաքի Սվաճյան փողոցում, ապօրինի թմրամիջոց ձեռք բերելու, պահելու և իրացնելու հիմնավոր կասկածանքով ձերբակալել են Երևանի բնակիչ 32-ամյա և 34-ամյա երկու տղամարդու և վերջինիս վարած «Տոյոտա» մակնիշի մեքենայով հանդերձ տեղափոխել Համայնքային ոստիկանության Մալաթիայի բաժին:

Անձնական խուզարկությամբ ուղևորի մոտ հայտնաբերվել են 0,24 գրամ մեթամֆետամինի և 2,24 գրամ ափիոնի նմանվող զանգվածներ, նաև էլեկտրոնային կշեռք։ Քրեական ոստիկանները ձեռք են բերել բավարար ապացույցներ, որ նա թմրամիջոցը նույն օրը ձեռք է բերել 34-ամյա վարորդից:

Նույն օրը երկուսն էլ ներկայացվել են Մալաթիա-Սեբաստիա վարչական շրջանի քննչական բաժին, նախաձեռնվել է քրեական վարույթ:

Դատարանի որոշմամբ՝ մարտի 22-ին 34-ամյա տղամարդու վարած «Տոյոտա» մակնիշի ավտոմեքենայում կատարված խուզարկությամբ հայտնաբերվել է երկու փաթեթ` 0,53 և 22,92 գրամ ափիոնի նմանվող զանգվածներով, նաև էլեկտրոնային կշեռք:

34-ամյա տղամարդու նկատմամբ հարուցել է հանրային քրեական հետապնդում` առանձնապես խոշոր չափերով թմրամիջոց իրացնելու հատկանիշներով, խափանման միջոց է կիրառվել տնային կալանքը:

Նախաքննությունը շարունակվում է:

Այս թեմայով Ապօրինի արդյունահանում Դարբնիկ գյուղի տարածքում. Մասիսի ոստիկանների բացահայտումը Վրաստանի քաղաքացին դիմել է ոստիկանություն, «Սատուրն-Գարդեն» հյուրանոցում 2 աղջիկներ իրենից գողացել են 4500 դոլար Փրկարարները Երևանյան լճում հայտնաբերել են որոնվող 13-ամյա Մայա Վորյատկինայի դին Պետությանը պատճառվել է 330 միլիոն դրամի վնաս․ ՔՈԳՎ հերթական բացահայտումը Զննությամբ հայտնաբերվել են թմրանյութ և ինքնաձիգի փամփուշտներ. նախաձեռնվել է քրեական վարույթ