Կպատժվես մեղք ես․ Վարդան Ղուկասյանը հաթաթա է տվեթ Մարտուն Գրիգորյանին

Գյումրու քաղաքապետի թեկնածու Վարդան Ղուկասյանը արձագանքել է Մարտուն Գրիգորյանի հայտարարությանը, որը նա արել էր բանավեճի ժամանակ: Գրիգորյանը հայտարարել էր, թե իշանությունները ուռճացնում են Վարդան Ղուկասյանին:

Վարդան Ղուկասյանն այսօր, ի պատասխան Մարտուն Գրիգորյանի հայտարարության, հանդես է եկել պատասխան-առաջարկով: Նա հայտարարել է, որ ընտրություններից հետո կմիանա իրեն ընդդիմադիր համարող այն թեկնածուին, որն իրենից շատ ձայներ կստանա: 

Նա ասել է, որ Մարտուն Գրիգորյանին ամենալավն է ցանկանում, բայց նաև խորհուրդ է տալիս հեռու մնալ իրենից. «Մենք սպասում ենք ձեր առողջ բանականությանը, և ես քեզ ցանկանում եմ ամենալավը, ամենաբարին, թեկուզ դու միշտ քարկոծում ես, միշտ թշնամական խոսում ես: Մեկ էլ մի բան ասեմ՝ ինձանից հեռու մնա: Ես ոչ թե քեզ ահաբեկում եմ, իմ Տերս Աստված է, կպատժվես, մեղք ես: Աստծո պատիժը կգա ձեր գլխին, մեղք եք: Դուք տեսաք, մեկին էլ էիք հովանավորում, թևերի տակ բաներ էիք դրել, Աստված ինչ պատիժ տվեց Մոսկվայում, դուք լավ գիտեք: Իմ հետևից ով ընկավ, լավ որ չի ունենա, ես ոչ թե ձեզ անիծում եմ, ոչ թե ձեզ վատ բան եմ ասում, այլ ես կաղոթեմ ձեզ համար, որ ձեզ Աստված իմաստություն դա, որ ինձանից հեռու մնաք, որ չպատժվեք: Իսկ մնացած քաղաքականության առումով կապրենք, կտեսնենք»,- նշել է Ղուկասյանը:

Այս թեմայով Թրամփը ցանկանում է կրկին հանդիպել Պուտինի հետ Ucom-ի աջակցությամբ AI տեսախցիկ է տեղադրվել բնության պահպանության համար Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) Օրվա խորհուրդ. Սեպտեմբերի 22 «Ժողովուրդ». Այսօր կորոշեն Հայկ Սարգսյանի ճակատագիրը