Զելենսկին հայտարարել է՝ Ռուսաստանի հետ պայմանավորվածությունները պահպանվում են

Ուկրաինան չի հարվածել ռուսական էներգետիկ օբյեկտներին։ Այս մասին հայտարարել է Վոլոդիմիր Զելենսկին Eurovision News-ին տված հարցազրույցում։ Ռուսաստանի պաշտպանության նախարարությունը մի քանի անգամ մեղադրել է Կիևին էներգետիկ համակարգի վրա հարձակումների մորատորիումը խախտելու մեջ։

«Անցած գիշեր էներգետիկ ոլորտին հարվածներ չեն եղել, և Ուկրաինան նույնպես չի պատասխանել», - ասել է Զելենսկին։

Մարտի 26-ին ՌԴ պաշտպանության նախարարությունը հայտարարեց, որ անօդաչու սարքերը հարձակվել են Ղրիմի, Բրյանսկի և Կուրսկի շրջանների պահեստների և ենթակայանների վրա: Կրեմլը պնդում էր, որ ռուսական ռազմական ուժերը կատարում են նախագահ Վլադիմիր Պուտինի հրամանը՝ չհարվածել Ուկրաինայի էներգետիկ օբյեկտներին։ «Ռուսաստանը կշարունակի պահպանել մորատորիումը, չնայած Ուկրաինայի՝ ռուսական ենթակառուցվածքներին հարձակվելու փորձերին»,-ասել են նրանք:

Ռուսաստանի և Միացյալ Նահանգների նախագահների հեռախոսազրույցից հետո Կրեմլը հայտարարեց, որ Պուտինը պաշտպանում է Դոնալդ Թրամփի այն գաղափարը, որ Մոսկվան և Կիևը 30 օր ձեռնպահ մնան էներգետիկ օբյեկտներին հարվածներ հասցնելուց և համապատասխան հրաման տվեց զինվորականներին։ Զելենսկին համաձայնել է նաև Թրամփի՝ էներգետիկ օբյեկտներին հարվածները դադարեցնելու առաջարկին։

Այս թեմայով Զելենսկու գրասենյակը սկսել է նախապատրաստվել ընտրություններին․ ուկրաինական ԶԼՄ-ներ Զելենսկին հայտարարում է, որ Ուկրաինան չի ընդունի ԱՄՆ ռազմական օգնությունը որպես վարկ (տեսանյութ) Զելենսկին կորցրել է Ուկրաինայի ԶՈւ-ի մի մասի վերահսկողությունը․ Պետդումայի պատգամավոր Զելենսկին պատմել է «միակ հարցի» մասին, որ տվել է Թրամփը Ղրիմի վերաբերյալ Զելենսկին հայտարարել Է Ռուսաստանի ներկայացուցիչների հետ հանդիպելու պատրաստակամության մասին (տեսանյութ)