Ուրվականների երկրորդ ռաունդը

­Մինչ իշ­խա­նութ­յու­նը մնա­ցել է «խա­ղա­ղութ­յան» կեղծ օ­րա­կար­գի տակ ու գա­հա­վի­ժող վար­կա­նի­շի ֆո­նին սկսել է տա­տան­վել Փա­շին­յան Նի­կո­լի ա­թո­ռը՝ կրկին փրկութ­յան են հաս­նում ի­րենց թիվ մեկ ընդ­դի­մութ­յուն հռչա­կած­նե­րը: Մինչ­դեռ հա­սու­նա­ցել է պա­հը, որ այս խորհր­դա­րա­նի ընդ­դի­մա­դիր թե­ւը կի­րա­ռի իր վեր­ջին «փամ­փուշ­տը»՝ Նի­կոլ Փա­շին­յա­նին անվս­տա­հութ­յուն հայտ­նե­լու միաս­նա­կան գոր­ծըն­թաց մեկ­նար­կե­լու հա­մար:

­Քո­չար­յա­նա­կան­նե­րի ար­դեն մաշ­ված ու անպ­տուղ «ով է Նի­կո­լին բե­րել» դիս­կուր­սը, թվում էր, թե սպա­ռել է ի­րեն: Նախ լի­նե­լով մեր­կա­պա­րա­նոց մե­ղադ­րանք­նե­րի դաշ­տից, մյուս կող­մից էլ օր օ­րի բա­ցա­հայ­տե­լով, որ հենց այս հար­ցը բարձ­րաց­նող­նե­րի հա­րա­զատ շրջա­նակ­ներն էին 2018-ին փո­ղո­ցում «Սերժ մեր­ժում»: Բայց, ա­րի ու տես, որ չեն հանգս­տա­նում, չեն խա­ղաղ­վում…

Եվ ա­հա կրկին հայտն­վում է ԱԺ «Հա­յաս­տան» խմբակ­ցութ­յան պատ­գա­մա­վոր Ագ­նե­սա Խա­մո­յա­նը, ո­րի ողջ քա­ղա­քա­կան կա­պի­տալն այն է, որ ՀՀ երկ­րորդ նա­խա­գահ Ռո­բերտ Քո­չար­յա­նի բա­րի կամ­քով՝ հա­ղոր­դա­վա­րից դար­ձավ ե­րես­փո­խան: Վեր­ջինս վերս­տին սկսել է ցեխ շպրտել ՀՀԿ-ի ուղ­ղութ­յամբ, այն ՀՀԿ-ի, ո­րի 55 պատ­գա­մա­վոր ար­ձա­նագր­ված քվեար­կութ­յամբ դեմ էին Նի­կոլ Փա­շին­յա­նի իշ­խա­նութ­յան գա­լուն, մինչ­դեռ այ­սօր­վա խորհր­դա­րա­նա­կան ա­մե­նա­մեծ ընդ­դի­մութ­յան՝ «Հա­յաս­տան» դա­շինք­ի մի շարք կար­կա­ռուն դեմ­քեր տե­ղա­վոր­վել էին Նի­կո­լի իշ­խա­նութ­յու­նում կամ դոշ էին ծե­ծում նրա հա­մար:

Ին­չե­ւէ, ինչ­պես ՀՀԿ փոխ­նա­խա­գահ Ար­մեն Ա­շոտ­յանն է ա­սել, նույ­նիսկ հա­զար ան­գամ կրկնված սու­տը չի դառ­նում ճշմար­տութ­յուն: Նա հռե­տո­րա­կան հարց է բարձ­րաց­նում. «Բա դուք ո՞ւր էիք այդ 2018-ին։ Բա որ­տե՞ղ են ձեր այդ ժա­մա­նակ­նե­րի խրոխտ գրա­ռում­նե­րը եւ հար­ցազ­րույց­նե­րը՝ ի պաշտ­պա­նութ­յուն գոր­ծող իշ­խա­նութ­յան։ Բա ո՞ւր էր ձեր քա­ղա­քա­ցիա­կան կեց­վածքն ընդ­դեմ մեր՝ հան­րա­պե­տա­կան­նե­րիս հան­դեպ ի­րա­կա­նաց­ված ան­մարդ­կա­յին տե­ռո­րի։ «55-ն­ ընդ­դեմ 3.000.000-ի» հա­մա­տա­րած խե­լա­գա­րութ­յան ժա­մա­նակ դուք էն 55-ի՞ մեջ էիք»։

ՎԵՐՋԱՊԵՍ՝ ՈՎ Է ԲԵՐԵԼ ՆԻԿՈԼԻՆ,  ԵՎ  ՈՎ  ՈՒՆԵՐ  ԴՐԱԿԱՆ ՍՊԱՍՈՒՄՆԵՐ

Իսկ ին­չո՞ւ 2018-ին քո­չար­յա­նա­կան­նե­րը չէին շրջա­նա­ռում «Սերժ­նա բե­րել Նի­կո­լին», Ար­մեն Ա­շոտ­յա­նի գնա­հատ­մամբ, ան­բա­րո­յա­կան լո­զուն­գը: Ըստ ՀՀԿ փոխ­նա­խա­գա­հի` դրա հա­մար կար մի քա­նի պատ­ճառ:

«­Նախ, ո­րով­հե­տեւ ի­րեն­ցից շա­տերն են ի­րա­կա­նում եւ ակ­տիվ մաս­նակ­ցել Նի­կո­լին բե­րե­լու մեջ։ Երկ­րոր­դը` ի­րենց թի­մի մի մա­սը սպա­սում­ներ ու­ներ Նի­կո­լից։ Եվ եր­րոր­դը` չկար սե­փա­կան սխալ­ներն ու­րիշ­նե­րի վրա բար­դե­լու քա­ղա­քա­կան նպա­տա­կա­հար­մա­րութ­յու­նը։ Սուտ խո­սե­լու նպա­տա­կա­հար­մա­րութ­յան գոր­ծո­նը չկար նաեւ 2021-ին, բա­ցի դրա­նից 2021-ի խորհր­դա­րա­նա­կան ընտ­րութ­յուն­նե­րից ա­ռաջ՝ գերվս­տահ լի­նե­լով ընտ­րութ­յուն­նե­րով Փա­շին­յա­նին հաղ­թե­լու հե­ռան­կա­րում, ի­րենց «без пяти» իշ­խա­նութ­յուն էին ե­րե­ւա­կա­յում, իսկ մենք էլ ի­րենց աչ­քե­րում ե­րե­ւի ի­րենց «бедный родственник»-ներն էինք», - ընդգ­ծում է Ա­շոտ­յա­նը։

Եվ մի ծանր ու դա­ժան հարց է բարձ­րաց­նում Ա­շոտ­յանը՝ ուղղ­ված ընդ­դի­մա­դիր ու­րիշ թե­ւի գոր­ծըն­կեր­նե­րին. «Այդ ո՞նց է լի­նում, որ ես, ըն­կեր­ներս, նույն Աղ­վան Վար­դան­յա­նը, ա­մե­նասկզ­բից տես­նում էինք Նի­կոլ-վար­չա­պե­տի կոր­ծա­նա­րար էութ­յու­նը, իսկ նա­խա­գահ Քո­չար­յա­նի նման հմուտ, փոր­ձա­ռու եւ ի­մաս­տուն գոր­ծի­չը չէր տես­նում…Իսկ կա­րո՞ղ է պար­զա­պես նա այն­քա՜ն ու­րախ էր «Սեր­ժին մեր­ժե­լուց», որ չէր կենտ­րո­նա­ցել Նի­կո­լի ով լի­նե­լու վրա…»:

Ն­շենք, որ հենց Ռո­բերտ Քո­չար­յանն է իր հե­ղի­նա­կած գրքում խոս­տո­վա­նել, որ իր դեմ հա­րուց­ված ա­պօ­րի­նի հե­տապն­դումն է բա­ցել իր աչ­քե­րը եւ ստի­պել ի­րեն նոր քա­ղա­քա­կան հայտ ներ­կա­յաց­նել։ Միայն այս ժա­մա­նակ է Փա­շին­յան Նի­կո­լից նրա դրա­կան սպա­սում­ներն ի չիք դար­ձել:

Այս­քա­նից հե­տո՝ մնում է ա­սել, Ար­ցա­խի հա­յա­թափ­ման եւ կորս­տի, բազ­մա­թիվ բռնաճն­շում­նե­րի, ա­մե­նա­զանգ­վա­ծա­յին բո­ղո­քի ակ­ցիա­նե­րի ժա­մա­նակ շուրջ 2,5 տա­րի լռած Ռո­բերտ Քո­չար­յա­նը բա ար­ժե՞ր խո­սեր, հե­տո էլ ագ­նե­սա­խա­մո­յան­նե­րին մղեր ա­ռա­ջին պլան, իսկ ին­քը թաքն­վեր հե­տե­ւում:

­Հա­մե­նայն­դեպս, այն հարց­րին, թե ին­չու են իր ստվե­րի հետ դեռ կռվում մար­դիկ՝ ՀՀ եր­րորդ նա­խա­գահ Սերժ Սարգս­յա­նը տվեց կարճ ու կոնկ­րետ պա­տաս­խան. «Հա­մե­նայն­դեպս, ո­րե­ւէ մե­կի ուր­վա­կանն ինձ չի ան­հանգս­տաց­նում, ի­մը ստվեր է, ի­րեն­ցը՝ ուր­վա­կան»:

ԳՅՈՒՄՐԻԻ ԸՆՏՐՈՒԹՅՈՒՆՆԵՐԻՑ ՍՊԱՍՈՒՄՆԵՐՆ ՈՒ ԷՅՖՈՐԻԱՆ

Այն, ինչ տե­ղի ու­նե­նում Գ­յում­րիում ա­վա­գա­նու ընտ­րութ­յուն­նե­րից հաշ­ված օ­րեր ա­ռաջ, ոչ պա­կաս հատ­կան­շա­կան է: «Մայր Հա­յաս­տան» դա­շին­քի քա­ղա­քա­պե­տի թեկ­նա­ծու Կա­րեն Սի­մոն­յա­նի կողմ­նա­կից­նե­րը հա­մա­ցան­ցում լայ­նո­րեն տա­րա­ծում են իր ծիկ­րա­կող լու­սան­կա­րը՝ Ռո­բերտ Քո­չար­յա­նի հե­տե­ւում, թե բա՝ ե­թե ու­զում ես Քո­չար­յա­նը գա իշ­խա­նութ­յան, ընտ­րիր Կա­րեն Սի­մոն­յա­նին: Հարց է ծա­գում՝ ե­թե այս կար­գի նույ­նաց­վե­լու էր «Մայր Հա­յաս­տան»-ը Քո­չար­յա­նի հետ, այդ դեպ­քում՝ ին­չո՞ւ Քո­չար­յա­նի «Հա­յաս­տան» դա­շին­քը, որ­պես խորհր­դա­րա­նա­կան ա­մե­նա­մեծ ընդ­դի­մութ­յուն, չնետ­վեց ընտ­րա­պայ­քա­րի մեջ, ինչ­պես 2021 թվա­կա­նին: Մի՞­թե Ռո­բերտ Քո­չար­յա­նը ո­րո­շել է տա­րան­ջատ­վել ՀՅԴ-ից եւ, ա­սենք, իր որ­դու՝ Լե­ւոն Քո­չար­յա­նի հա­մար ստեղ­ծել քա­ղա­քա­կան հե­նա­րան, որն այդ­պես էլ չկա­րո­ղա­ցավ ստեղ­ծել իր հա­մար:

­Մեկ այլ քո­չար­յա­նա­սեր թեկ­նա­ծու էլ Վար­դան Ղու­կաս­յանն է՝ Գ­յում­րիի նախ­կին քա­ղա­քա­պե­տը, ո­րը զգու­շաց­նում է չջղայ­նաց­նել ի­րեն, թե չէ հե­ղա­փո­խութ­յուն կա­նի, վար­չա­պետ կդառ­նա: Ի՞նչ կա, որ ե­թե Նի­կոլ Փա­շին­յա­նի պես ոչ ա­դեկ­վատ գոր­ծի­չը 7 տա­րի կա­րող է լի­նել պաշ­տո­նի, ին­չո՞ւ Ղու­կաս­յան Վար­դա­նի­կը չի կա­րող, մեկ է, մեր ժո­ղովր­դի համ­բե­րութ­յան բա­ժա­կը ծակ է:

Այս ի­րա­վի­ճա­կում ա­սել, թե՝ Գ­յում­րիի ընտ­րութ­յուն­նե­րով հնա­րա­վոր է դառ­նա­լու գնա­հա­տել թուր­քահ­պա­տակ իշ­խա­նութ­յուն­նե­րի ի­րա­կան վար­կա­նի­շը, գլխանց ա­սենք, որ ա­նի­մաստ գործ է:

«Այն ո­րե­ւէ կերպ չի ար­տա­ցո­լե­լու ի­րա­կան պատ­կե­րը», - զգու­շաց­նում է գյում­րե­ցի ի­րա­վա­պաշտ­պան Կա­րա­պետ Պո­ղոս­յա­նը: Իսկ մեկ ա­ռող­ջութ­յուն կոա­լի­ցիա­յի ղե­կա­վար, մի­ջազ­գա­յին փոր­ձա­գետ Գ­րի­գոր Գ­րի­գոր­յանն ա­վե­լի սթա­փեց­նող կոշ­տութ­յամբ է շեշ­տում. «Այս հայ­րե­նա­դավ սրի­կա­նե­րից Գ­յում­րիում չեն ա­զատ­վում, այլ` Ե­րե­ւա­նում… Բա­վա­րար է «կուտ ու­տե­լով» ապ­րեք ու մխի­թար­վեք, գո­նե մի փոքր բա­նա­կա­նութ­յուն աշ­խա­տեց­րեք է­լի …»:

ԻՍԿ ԵՐԲ Է ԳԱԼՈՒ ԱՎԻՆՅԱՆ ՏԻԿՈՅԻՆ ԴԱՏԵԼՈՒ ԺԱՄԱՆԱԿԸ

Իսկ Ե­րե­ւա­նում դեռ իշ­խա­նութ­յունն է փոր­ձում ա­զատ­վել ընդ­դի­մա­դիր­նե­րից: Երբ քա­ղա­քա­կան պատ­վերն ի­ջեց­վում է, քրեա­կան հա­մա­պա­տաս­խան գործ միան­գա­մից է գտնվում: Այս շա­բաթ խորհր­դա­րա­նը կքննար­կի ԱԺ «Պա­տիվ ու­նեմ» խմբակ­ցութ­յան պատ­գա­մա­վոր, Ե­րե­ւա­նի նախ­կին քա­ղա­քա­պետ Տա­րոն Մար­գար­յա­նին ան­ձեռ­նմ­խե­լիութ­յու­նից զրկե­լու հար­ցը: Այս հար­ցով միջ­նոր­դութ­յուն է ներ­կա­յաց­րել խորհր­դա­րա­նին ՀՀ գլխա­վոր դա­տա­խա­զը:

«­Խոս­քը դե­ռեւս 7 տա­րի ա­ռաջ՝ 2018թ. օ­գոս­տո­սից հա­րուց­ված եւ այն ժա­մա­նակ մեզ հայտ­նի գրե­թե բո­լոր քննչա­կան մար­մին­նե­րում 3,5 տա­րի (մին­չեւ 2021 թվա­կա­նի դեկ­տեմ­բե­րը) ան­հաս­կա­նա­լի դան­դաղ­կո­տութ­յամբ  քննված քրեա­կան գոր­ծի մա­սին է, ո­րի շրջա­նակ­նե­րում դե­ռեւս 2021 թվա­կա­նին պա­րոն Մար­գար­յա­նին ա­ռա­ջադր­վել էր մե­ղադ­րանք ՀՀ քրեա­կան օ­րենսգր­քի 308-րդ հոդ­վա­ծի 2-րդ մա­սով (պաշ­տո­նեա­կան լիա­զո­րութ­յուն­նե­րը չա­րա­շա­հե­լը, որն անզ­գու­շութ­յամբ ա­ռա­ջաց­րել է ծանր հե­տե­ւանք­ներ)։ Հիշ­յալ քրեա­կան գոր­ծը 2022 թվա­կա­նին ու­ղարկ­վել է դա­տա­րան եւ մինչ այս պա­հը քննվում է։ Հարկ է նշել, որ պա­րոն Մար­գար­յա­նը եր­բեք չի ըն­դու­նել ի­րեն ներ­կա­յաց­ված մե­ղադ­րան­քը։ Դ­րա­նից հե­տո՝ ար­դեն 2025 թվա­կա­նի մար­տին նույն քրեա­կան գոր­ծի շրջա­նակ­նե­րում նա­խաքն­նա­կան մարմ­նի եւ դա­տա­խա­զութ­յան մոտ ա­ռա­ջա­նում է մի հան­ճա­րեղ միտք առ այն, որ պա­րոն Մար­գար­յա­նը նույն փաս­տա­կան տվյալ­նե­րի եւ նույն ի­րո­ղութ­յուն­նե­րի պայ­ման­նե­րում ոչ միայն չա­րա­շա­հել է իր պաշ­տո­նեա­կան լիա­զո­րութ­յուն­նե­րը, այ­լեւ ի­րա­կա­նաց­րել է փո­ղե­րի լվա­ցում», - ման­րա­մաս­նում է Տա­րոն Մար­գար­յա­նի փաս­տա­բան Բե­նիկ Գալստ­յա­նը, ո­րը վստահ է՝ այս ի­րա­վա­կան վե­ճը հաղ­թե­լու են, ո­րով­հե­տեւ թե­կուզ այս պայ­ման­նե­րում, հնա­րա­վոր չէ գտնել ո­րե­ւէ դա­տա­րան, ո­րը մե­ղադ­րա­կան դա­տավ­ճիռ կկա­յաց­նի այս դեպ­քով:

­Միան­գա­մից հարց է ծա­գում՝ իսկ ե՞րբ են հայ­րե­նի ի­րա­վա­պահ մար­մին­ներն անդ­րա­դառ­նա­լու Ե­րե­ւա­նի գոր­ծող քա­ղա­քա­պետ Տիգ­րան Ա­վին­յա­նին: Մար­գար­յա­նի օ­րոք Ե­րե­ւա­նը ծաղ­կում էր, հի­մա ո­լորտ չի մնա­ցել, որ չի քանդ­վել՝ տրանս­պոր­տից սկսած վեր­ջաց­րած կա­նա­չա­պա­տու­մով, ա­վե­լի ճիշտ՝ ծա­ռե­րի գե­նո­ցի­դով: Ինչ ցա­նեք, այն էլ հնձե­լու եք, տիկ­նայք եւ պա­րո­նայք… Հա­յաս­տա­նում ան­վա­րան գոր­ծող միակ օ­րեն­քը բու­մե­րանգն է, հի­շե՛ք…

ՀՐԱՆՏ ՍԱՐԱՖՅԱՆ

Այս թեմայով Փաշինյանը «տրաս է հանել» սյունեցի պատգամավորներին Նիկոլ Փաշինյանը շնորհավորել է Հռոմի պապին Կապի մեջ կլինենք, շնորհակալ եմ այցի համար․ Պուտինը՝ Փաշինյանին (տեսանյութ) Նիկոլ Փաշինյանին Կարմիր հրապարակում կրկին Լուկաշենկոյի կողքին են նստեցրել «Ռոսիա 1»-ի լրագրողը Նիկոլ Փաշինյանին շփոթել է Ադրբեջանի ղեկավարի հետ (տեսանյութ)