Նարկոտի՞կ, ես ձեր հայրը չեմ, անչափահաս աղջիկնե՞ր, ես ձեր հայրը չեմ, կազինո՞, ես ձեր հայրը չեմ․ Աղազարյանը՝ որդիների դաստիարակության մասին

Ազգային ժողովն այսօր՝ մարտի 26-ին, քննարկում է պատգամավոր Հովիկ Աղազարյանի նկատմամբ 2 դրվագով քրեական հետապնդում հարուցելուն համաձայնություն տալու մասին միջնորդագիրը։ Հարցը խորհրդարանում ներկայացրել է Գլխավոր դատախազ Աննա Վարդապետյանը։

ԱԺ «Հայաստան» խմբակցության պատգամավոր Գեղամ Նազարյանը Հովիկ Աղազարյանին հարցեր ուղղեց խմբակցությունում ԵՄ դիմելու հարցի քննարկման, Նիկոլ Փաշինյանի այն մեղադրանքին, որ Աղազարյանի հեռախոսային նամակագրության մեջ ԱԱԾ-ին սպառնացող տվյալներ են եղել։

Աղազարյանը հետևյալ դեպքը հիշեց․ «Երբ իմ տղաների և Հակոբ Ասլանյանի հետ միասին հանդիպում ունեցանք պարոն Ալեն Սիմոնյանի հետ, վերջինս ինձ հարց տվեց, թե հիմա ոնց դուրս գանք էս վիճակից, ես ասացի, որ ԱԱԾ-ի ներկայացուցիչը նստած ա էստեղ, իմ հեռախոսը ձեր մոտ ա, փաստաթղթերը՝ նույնպես, դրեք, հրապարակեք, իմ տղաներին ցույց տվեց 2-3 դրվագ, որ ես ինֆորմացիայի արտահոսք եմ արել խմբակցության նիստերից, ես մանդատս դնեմ, դիմումս գրեմ, հեռանամ, չարվեց։

Հաջորդ խնդրանքս․ ասացի՝ ամենասարսափելի դրվագը, որ կա, իմ և մի տղայի հետ նամակագրությունն ա, դրեք էդ նամակագրությունը թող իմ տղաները կարդան, եթե իրենք կասեն, որ այդ նամակագրության հետևանքով գլուխ կախելու պատճառ կարող են ունենալ, դիմումս գրեմ, տուն էլ չգնամ, գնամ Կիևյան մոստ, ո՛չ էն արվեց, ո՛չ էն»։

Մանուկյանի այն արձագանքին՝ կարող են արձանագրել, որ Նիկոլ Փաշինյանը ստել է, հայտնել, որ Աղազարյանը անվտանգության հետ կապված հարցեր է քննարկել, սակայն որևէ իրավական գործընթաց չի հետևել դրան։

Աղազարյանն ասաց․ «Ես չեմ ասում, որ ստում ա, կարող ա պատահի ինքը սխալ ա ինֆորմացված։ Երբ իմ տղաները դառնում էին չափահաս և մենք ՌԴ-ում էինք, պետք է գնային երեկոյան հանդիպումների, կամ երբ Հայաստանում էինք, ես իրենց առաջ խնդիրներ եմ դրել՝ նարկոտի՞կ, ես ձեր հայրը չեմ, անչափահաս աղջիկնե՞ր, ես ձեր հայրը չեմ, կազինո՞, ես ձեր հայրը չեմ, հայրենիքի հետ կապված որևէ խնդիր, ես ձեր հայրը չեմ, ես չեմ կարող հայրենիքի դեմ որևէ բան անել»

Մանրամասները՝ տեսանյութում։

Այս թեմայով Էրդողանն ու Ալիևը հայտարարել են Թուրքիայի և Ադրբեջանի «անսասան դաշինքի» մասին ԱԲ-ն գուշակ չէ. Տեղեկատվական անվտանգության փորձագետը զգուշացնում է Ինչո՞ւ պետք է ժողովուրդը կրկին վստահի ձեզ, ինչի՞ համար եք պատասխանատվություն ստանձնել 11։11. Ի՞նչ է ուզում ճակատագիրը մեզ ասել, կրկնվող թվերի օրը Գլխուղեղի ուռուցքի առաջին 10 նշանները, որոնց մասին պետք է յուրաքանչյուրն իմանա