Վարդան Ղուկասյանի ձերբակալության ծրագիրը դեռեւս պլանավորված է եղել 2023 թվականից. Անույշ Խուդավերդյան

Երեւանում՝ Միացյալ Նահանգների դեսպանատան դիմաց, տեղի ունեցավ ԴՕԿ կուսակցության հիմնադիր Վարդան Ղուկասյանի նկատմամբ արդար դատաքննության պահանջով ցույց: Ցույցին մասնակցում էին ինչպես Երեւանից, այնպես էլ տարբեր մարզերից եւ Ռուսաստանի Դաշնությունից ժամանած համախոհներ, որոնք պահանջում էին արդար դատաքննություն եւ ազատում Վարդան Ղուկասյանին:

ԴՕԿ կուսակցության նախագահ ԱՆՈՒՅՇ ԽՈՒԴԱՎԵՐԴՅԱՆԸ լրագրողներին հայտնեց, որ Վարդան Ղուկասյանի ձերբակալության ծրագիրը դեռեւս պլանավորված է եղել 2023 թվականից:

«Ներկայիս իշխանությունը միտումնավոր ձերբակալեց Վարդան Ղուկսյանին, որպեսզի իրագործի իր սեւ գործը՝ այն է խաղաղության պայմանագրի տակ հանձնել Հայաստանի սահմանները: Իսկ ո՞ւր են մնացած ընդդիմադիր ուժերը, ինչո՞ւ չեն պայքարում այդ հայտարարության դեմ: Բոլորի համար էլ պարզ է, որ եթե Վարդան Ղուկասյանը լիներ ազատության մեջ, ապա ներկայիս իշխանությունը չէր կարող նման հայտարարությու անել, ապա քայլեր ձեռնարկեր: Նա անմիջապես իր կոչով բազմահազարանոց քաղաքացիներին փողոց կհաներ եւ կկանխեր այդ ղազագրի իրականացումը: Պարզ երեւում է, որ սա միանշանակ քաղաքական հետապնդում է եւ, բնականաբար, կեղծ ցուցմունքներ ներկայացնելով, փորձում են որքան հնրարավոր է երկար պահել Վարդան Ղուկասյանին անազատության մեջ»,- ասաց Խուդավերդյանը:

Համախոհներն ու կուսակիցնները ցույցը սկսեցին ավտոերթով, ապա շարունակեցին ԱՄՆ դեսպանատան առջեւ: Իրենց կոչերով դիմում էին ԱՄՆ դեսպանությանը՝ խնդրանքով անցկացնել օբյեկտիվ, արդար դատաքննություն եւ րոպե առաջ ազատ արձակել Վարդան Ղուկասյանին:

Ցույցին մասնակցում էին նաեւ տարբեր կուսակցություններից անձինք, որոնց պահանջը նույնն էր, իսկ «Հայոց Հարենիք» կուսակցության նախագահ ԱՆԱՀԻՏ ԵՂՈՅԱՆՆ իր հետ բերել էր նամակ, որում ներկայացված էր պահանջ՝ ոչ մի պարագայում չարտահանձնել Վարդան Ղուկասյանին:

«Այսօր ես իմ պարտքն եմ համարում արդարադատություն պահանջել Ամերիկայի Միացիալ Նահանգների իշխանությունից եւ դատական համակարգից: Այս պահին նամակներ ենք ներկայացնում ԱՄՆ դեսպանատուն: Նամակում հորդորում ենք ԱՄՆ-ի իշխանությանը ոչ մի դեպքում չարտահանձնել Վարդան Ղուկասյանին եւ դադարեցնել արտահանձման գործընթացը: Հուսանք՝ արդարադատությունը ճիշտ որոշում եւ վճիռ կկայացնի»,- ասաց Անահիտ Եղոյանը:

ՆԱՆԱ ՍԱՐԳՍՅԱՆ 

Այս թեմայով ՇՏԱՊ. Որպես անհետ կորած որոնվում է 2011թ. ծնված Անի Գևորգյանը Իշխանության հաշիվ փակող «ընդդիմություն»․ Անի Կարապետյան ՔՊ-ն ամենաբարձրն ու ամենաերկարը ծափահարեց ամենաուժեղ «խեղկատակին». Անի Կարապետյան Այս Ազգային ժողովը երկար կյանք չի ունենալու․ Անի Կարապետյան Մոտ ապագայում ընդդիմադիր, կենսունակ կենտրոն կձեւավորվի ԱԺ-ից դուրս․ Կարապետյան