Անդրանիկ Մարգարյանի հարցաքննություններից հետո երբեք որևէ նոր մարդ չէր հարցաքննվում՝ նա երբեք չէր մատնում. Մամիջանյան

Այսօր ՀՀ նախկին վարչապետ Անդրանիկ Մարգարյանի մահվան տարելիցն է։

ԱԺ «Պատիվ ունեմ» խմբակցության ղեկավար Հայկ Մամիջանյանը ներկայացրել է Անդրանիկ Մարգարյանի մասին լսած պատմություններ։

«Ես չեմ հանդիպել Անդրանիկ Մարգարյանին, բայց շատ պատմություններ եմ լսել նրա մասին ավագ ընկերներիցս։ Այսօր կկիսվեմ մեկով։

Շատերդ գիտեք, որ Հանրապետական կուսակցության հիմնադիրները խորհրդային իշխանության տարիներին գործել են ընդհատակում՝ տարածելով ցեղակրոնության եւ ազգային գաղափարոխոսության թեզերը։ Տրամաբանորեն՝ նրանք հաճախ հայտնվել են խորհրդային КГБ-ի ուշադրության կենտրոնում։ Մեր կուսակցության ավագ ներկայացուցիչներից Գագիկ Մինասյանը մի անգամ պատմեց, որ մի օրինաչափություն կար. Անդրանիկ Մարգարյանի հարցաքննություններից հետո երբեք որեւէ նոր մարդ չէր հարցաքննվում՝ նա երբեք չէր մատնում իր համակիրներից ոչ մեկին։

Իսկ գիտե՞ք, թե ինչու է ՀՀԿ քաղաքական դպրոցը կրում Անդրանիկ Մարգարյանի անունը։

Տարիներ առաջ, Անդրանիկ Մարգարյանը կազմակերպել էր դասընթաց այն ժամանակ դեռ շատ երիտասարդ կուսակցականների համար, որոնցից բոլորն այսօր հայտնի քաղաքական գործիչներ են։ Դեռեւս այն ժամանակ նա խիստ կարեւորում էր երիտասարդների քաղաքական սոցիալականացումը կրթության միջոցով։

Մենք Ձեր հիշատակը վառ ենք պահում հենց այն տարբերակով, որը Ձեր համար ամենացանկալին կլիներ՝ Ձեր գործը շարունակելով»,- գրել է Մամիջանյանը։

Այս թեմայով Վարդանիկին միացավ Թեւանյանի թեկնածուն. Գյումրիում կրքերը եռում են «Իրավունք». Անդրանիկ Քոչարյանի հետ կապված միջադեպից ամենաշատը ոգեւորվել է Ալեն Սիմոնյանը. «լավ շանս է» «Ժողովուրդ». Անդրանիկ Քոչարյանի որդին բանակից ազատվել է որպես գիտնական, բայց գիտական հայտնագործությունները չկան Գլխավոր դատախազն, ըստ էության հակասում է ինքն իրեն. Բենիկ Գալստյան «Ժողովուրդ». Անդրանիկ Քոչարյանը ներողություն չի խնդրել նաև Երևանի փոխքաղաքապետից