Անդրանիկ Քոչարյանի պահվածքը լրագրողի նկատմամբ շատ տգեղ և շատ վատ եմ գնահատում. ՔՊ-ական պատգամավոր

ՔՊ-ական պատգամավոր Քրիստինե Պողոսյանը շատ տգեղ և շատ վատ է գնահատում թիմակցի՝ Անդրանիկ Քոչարյանի վարքագիծը լրագրող Հռիփսիմե Ջեբեջյանի նկատմամբ:

Այս մասին պատգամավորը նշել է Factor.am-ի հետ զրույցում:

Հարցին՝ ինչ է պատրաստվում անել, Պողոսյանը հարցով պատասխանեց. «Իսկ ես ի՞նչ գործիքակազմ ունեմ»:

«Բոլոր այն գործընկերները, որոնք լսում են, թե ես իրենց ինչ եմ ասում ես իրենց հետ խոսում եմ, մնացած պարագաներում մենք ներքին ընթացակարգեր ունենք, հարցերը բարձրացնելու, քննարկելու համար: Հուսով եմ առաջիկայում խմբակցության ներսում հարցը քննարկման առարկա կդառնա: Հիմա չունենք էթիկայի հանձնաժողով, այն անհասկանալի պատճառներով չի ձևավորվել: Եթե լիներ Էթիկայի հանձնաժողով, կարելի էր դա քննարկել նաև այնտեղ»,- հայտարարեց պատգամավորը:

Անդրադառնալով լրագրողների ստորագրահավաքին՝ էթիակայի հանձնաժողով ստեղծելու վերաբերյալ, Պողոսյանն ասաց, որ էթիկայի հանձնաժոփղովի ստեղծմանը միշտ է կողմ:

«Կարծում եմ՝ մարդիկ պետք է կարողանան կիրթ շփվել իրար հետ: Ես սեփական դաժան փորձ եմ ունեցել, որ չեմ կարողացել զսպել էմոցիաները: Որքան էլ՝ հասկացել եմ, որ հրահրվել է, հատուկ է այդպես եղել, ես մեղավոր եմ զգում, որ չեմ կարողացել էմոցիաներս զսպել, բայց երբ դու այդ իրավիճակում չես և մտածված մարդուն վիրավորում ես, պետք է նաև համարձակություն ունենաս ներողություն ասելու»,- հայտարարեց նա:

Պատգամավորը նաև նշեց, որ Անդրանիկ Քոչարյանի արձագանքը սպասելի էր, երբ հանձնաժողովի նիստում նրանից պահանջեցին ներողություն խնդրել, իսկ ինքը հրաժարվեց:

Հիշեցնենք, որ ՔՊ-ական պատգամավոր Անդրանիկ Քոչարյանը վիրավորել էր Tribune.am կայքի լրագրող Հռիփսիմե Ջեբեջյանին:

Մանրամասները՝ Factor.am-ի տեսնայութում:

Այս թեմայով Թուրքիայում գնահատել են ԱՄՆ-ի ցածր մաքսատուրքերը երկրի նկատմամբ Արցախահայերը մազապուրծ են եղել ցեղասպանությունից. Աննա Մկրտչյան Դուք ընդամենն իշխանական պրոպագանդիստ եք. Լիլիթ Գալստյան Անդրանիկ Քոչարյանը ինձնից ներողություն է խնդրել․ Սամվել Շահրամանյան Երևանի և Բաքվի միջև խաղաղության պայմանագիրը կստորագրվի վաղ թե ուշ․ ՌԴ պետդումայի պատգամավոր