Թրամփի բանագնացի հայտարարությունն ավելի շուտ այն բանի մասին է, որ Վաշինգտոնը մեծ ներգրավվածությունն չի ունենալու հայ-ադրբեջանական հակամարտության կարգավորման հարցում․ Սուրենյանց

Թրամփի բանագնացի հայտարարությունն ավելի շուտ այն բանի մասին է, որ Վաշինգտոնը մեծ ներգրավվածությունն չի ունենալու հայ-ադրբեջանական հակամարտության կարգավորման հարցում։ Այս մասին ֆեյսբուքյան իր էջում գրել է քաղաքագետ Սուրեն Սուրենյանցը:

«Ամերիկացի լրագրող Թաքեր Քարլսոնին տված հարցազրույցում նախագահ Դոնալդ Թրամփի հատուկ բանագնաց Սթիվեն Ուիթքոֆը շատ հպանցիկ անդրադարձել է նաև հայ - ադրբեջանական հակամարտությանը: 

Ամերիկայի նախագահի բանագնացի առաքելության մասին խոսելիս՝ Ուիթքոֆը նշել է, որ տարբեր հակամարտություններում որպես միջնորդ հանդես գալու ժամանակ ԱՄՆ-ը այդ միջնորդությունը տեղին կհամարի միայն այն դեպքերում, եթե ազդեցություն ունի ու հաջողության հասնելու հնարավորություն է տեսնում:

«Եթե ես չեմ զգում, որ հաջողության եմ հասնելու, ինչո՞ւ պիտի իմ ժամանակը ծախսեմ, կամ որ ավելի վատ է՝ Միացյալ Նահանգների ժամանակը ծախսեմ: Ինչո՞ւ պիտի գնամ ու նախագահին ասեմ, որ կարող ենք ինչ-որ մի հակամարտություն ավարտել երկխոսությամբ, բայց արդյունքում չկարողանանք անել դա: Դա վատ քաղաքական ստրատեգիա կլինի, եթե ես անձամբ չեմ ներգրավվում, եզրակացություններ չեմ անում ու գալիս նախագահին ասում՝ մենք սա կարող ենք ավարտել երկխոսությամբ կամ չենք կարող: Ընդ որում՝ այս հաշվարկները վերաբերում են իրանցիներին, ռուսներին ու ուկրաինացիներին, նույնը վերաբերում է Ադրբեջանին ու Հայաստանին», - ասել է Ուիթքոֆը:

Թրամփի բանագնացի այս հայտարարությունն ավելի շուտ այն բանի մասին է, որ Վաշինգտոնը մեծ ներգրավվածությունն չի ունենալու հայ- ադրբեջանական հակամարտության կարգավորման հարցում. ԱՄՆ-ը պարզապես նման շահեր չունի:

Հատկապես Թրամփի հաղթանակից հետո սա ակնհայտ փաստ էր, եթե նույնիսկ չլիներ Ուիթքոֆի այս հայտարարությունը:

Իհարկե, այս ակնհայտ փաստն անտեսվելու է մեր պսևդոարևմտամետների կողմից, ովքեր շարունակելու են պնդել, թե ԱՄՆ-ը մեզ փրկելու է Ադրբեջանից՝ հույսեր «վաճառելով» մեր հասարակությանը:

Այս մարդկանց հետ չի պահելու անգամ այն փաստը, որ առնվազն 2023-ի դեկտեմբերից Փաշինյանն ինքն է փակել դռները բոլոր միջնորդների առաջ՝ Ալիևի պահանջով նախապատվությունը տալով հայ-ադրբեջանական ուղղակի բանակցություններին»,-գրել  է նա։

Այս թեմայով Քելլոգը հաստատել է Ռուբիոյի և Թրամփի խոսքերը` ուկրաինական բանակցություններից ԱՄՆ-ի դուրս գալու մասին (Տեսանյութ) Մասնագետը զգուշացրել է արյnւնով մսի վտանգի մասին Թրամփի դեմ նոր զանգվածային բողոքի ցույցեր են տեղի ունեցել Նյու Յորքում և Վաշինգտոնում (Ֆոտո) Մենք ունենք ինֆորմացիա․ Վարդան Ղուկասյանը իր դեմ նախապատրաստվող հնարավոր մահափորձի մասին է խոսել Մանր-մունր հարցերով զբաղվելու ժամանակը չէ. Միքայել Սրբազանը՝ երդմնակալությանը մասնակցելու մասին