Մահացել է ծաղրանկարիչ Արզօն՝ Արայիկ Օհանյանը

60 տարեկան հասակում մահացել է ծաղրանկարիչ Արայիկ Օհանյանը (Արզօ): Այս մասին հայտնում են նրա հարազատներն ու ընկերները:

Նրա ֆեյսբուքյան էջից պարզ է դառնում, որ շաբաթներ առաջ մեկնել էր Փարիզ՝ բուժման:

Արայիկ Օհանյանը 2004 թվականից Հայաստանի երգիծանկարիչների ասոցացիայի հիմնադիրներից էր և փոխնախագահը։

Նկարազարդել և ձևավորել է Ա. Բաղոյանի «Հետո չես գտնի» (1991), Ջ. Արմսթրոնգի «Անմահական ջուր» (1992), Վրեժ Վարդունու «Լուսաթևիկ» (1992) և «Արևի ձնծաղիկը» (1997), Հովհաննես Սարոյանի «Հուշերի կապույտ հովտում» (1995), Ս. Հովհաննիսյանի «Գաղտնիքն էլ է… կին» (1997), Սերգեյ Գալոյանի «Սայթաքում գլաքարի վրայով» (2004), Արկադի Ավերչենկոյի և Միխայիլ Զոշչենկոյի «Ծիծաղի արքաները» (2004, ժող.), Արշալույս Ղազինյանի «XX դարի հարյուր նշանավոր հայերը» (ռուսերեն, 2006), Գ. Գարունի «Իմ Շաղատ» (2014) և այլ գրքեր:

Այս թեմայով Ծաղրանկարիչ.«Մարդիկ ավելի շատ հռհռում են տափակ հումորների վրա»