Կոչ ենք անում հետեւել մեր օրինակին եւ «պերսոնա նոն գրատա» հռչակել ԱՄՆ-ում ՀՀ դեսպան Լիլիթ Մակունցին. Ալլա Հակոբյան

Թրամփի թիմում աշխատող միլիոնատերերն ու միլիարդատերերը, ովքեր իրենց կապիտալը ստեղծել են ոչ թե ինչ-որ մեկի շահերի լոբբինգով, այլ սեփական խելքով ու աշխատանքով, իրոք որ գիտեն ե՛ւ փողի գինը, ե՛ւ փող հաշվելը: Ամենակարճ ժամանակահատվածում նրանք հայտնաբերեցին եւ «ջրի երես» հանեցին հսկայական ֆինանսական հոսքեր, ազատելով դրանք տարբեր աթոռներին կպած «մակաբույծների» տնօրինությունից եւ կասկածելի «ծառայություններից»: Խոսքը գնում է հասարակության հաշվին ապրող, սակայն այդ նույն հասարակությանը ոչ մի օգուտ չբերող անձանց մասին։ Թույլ տվեք հարցնել՝ ի՞նչ օգուտ է բերել իր երկրին Հայաստանում ԱՄՆ դեսպան Քրիստինա Քվինը: Ո՛չ մի օգուտ, բացառությամբ այն հանգամանքի, որ Ամերիկայի դեմ լարեց նույնիսկ նրանց, ովքեր գրեթե պաշտում եւ աստվածացնում էին այդ երկիրը:

Այս կապակցությամբ կցանկանայի հիշել դեսպան Մորգենթաուին, ով աշխատել է Օսմանյան կայսրությունում Հայոց ցեղասպանության ամենադաժան տարիներին։ Սրտացավ մարդկանց թվում, ովքեր թողել են ոչ միայն բարի անուն, այլեւ Հայոց ցեղասպանության իրական դեպքերի գրավոր վկայություններ, հիշատակվում է նաեւ դեսպան Հենրի Մորգենթաուի անունը։ Այսօր թուրքական յաթաղանից հրաշքով մազապուրծ եղած հայերի ժառանգները, ում հաջողվել է հասնել Ամերիկա, այն համարում են իրենց երկրորդ Հայրենիքը եւ չեն մոռանում, որ Ամերիկան ​​նրանց իր գիրկ ընդունեց, երբ նրանք որբ էին։

Օսմանյան կայսրությունում ենթարկվելով ցեղասպանության` թե՛ սուլթան Աբդուլ Համիդի, թե՛ երիտթուրքերի, թե՛ Մուստաֆա Քեմալ Աթաթուրքի օրոք, սեփական Հայրենիքից բռնագաղթված եւ վտարանդված հայերը, հայտնվելով Ամերիկայում, ձեռք բերեցին ոչ միայն ֆիզիկական անվտանգություն, այլեւ Ամերիկայում գործող օրենքների շնորհիվ դարձան միլիոնատերեր։

Հենց նրանց՝ ամերիկաբնակ մեր հայրենակիցներին, այսօր կոչ ենք անում հետեւել մեր օրինակին եւ «պերսոնա նոն գրատա» հռչակել Ամերիկայում ՀՀ այժմյան դեսպան Լիլիթ Մակունցին:

Լինելով աշխարհի ամենաազդեցիկ երկրներից մեկում ՀՀ դեսպան՝ նա ո՛չ հարկադրաբար իրենց Հայրենիքը լքած արցախահայության ցավը կարողացավ հասցնել ամերիկյան կառավարությանը, ո՛չ էլ կարողացավ Ադրբեջանի կողմից գերեվարված հայերի վերադարձի հարցը դարձնել քննարկման առարկա։ Հավանաբար, նրա դերն այդ պաշտոնին սահմանափակվել է միայն մեկ բանով՝ աջակցել Ամերիկայի Դեմոկրատական ​​կուսակցությանը։ Ըստ օդում կախված լուրերի, նա գրեթե գիշերում էր այդ կուսակցության շտաբում...

Օգտվելով առիթից, մենք՝ այսօրվա հանրահավաքի մասնակիցներս, եւս մեկ անգամ շնորհավորում ենք Դոնալդ Թրամփին եւ նրա թիմին` նախագահական ընտրություններում տարած հաղթանակի կապակցությամբ, ու մաղթում Ամերիկայի Միացյալ Նահանգների ժողովրդին խաղաղություն եւ բարգավաճում։ Թրամփն ասել է. «Make America Great Again»: Եվ ամերիկացիները կանեն այդ, քանի որ Ամերիկան ​​դարձյալ վերադառնում է ընտանեկան արժեքներին, իսկ ընտանիքը ցանկացած պետության հենարանն է։ Ընտանեկան արժեքների շնորհիվ է, որ փոքրաթիվ հայ ժողովուրդը մինչ օրս պահպանում է իր ինքնությունը, անկախ այն բանից, թե աշխարհի որ երկրում է հայտնվել ցեղասպանությունից հետո։ Այս առումով ուզում եմ ընդգծել, որ «մեծ» տերությունների մեծությունը դրսեւորվում է փոքր ազգերի նկատմամբ ցուցաբերած հարգանքով: Եվ հենց այդ հարգանքն է դարեր շարունակ ակնկալել ու ակնկալում Հայաստանն ու նրա բազմաչարչար ժողովուրդը...», - շեշտեց Ալլա Հակոբյանը։

Այս թեմայով Ինչպես փաՌատոները վերածվեցին փաՐատոների... Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ Միայն ՌԴ-ն է ազնիվ եւ ուղիղ ասում, որ Արցախի հարցի փակման փորձերը թուլացնում են նաեւ ՀՀ-ն․ Հակոբյան Թեժ է լինելու․ ինչ է սպասվում 18 արդարների գործով դատական նիստին Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի