«Լոկոմոտիվը» մեկնաբանել է Սևիկյանի տրանսֆերից հրաժարվելու մասին լուրերը
Սպորտ
Մոսկվայի «Լոկոմոտիվի» տնօրենների խորհրդի նախագահ Յուրի Նագորնիխը մեկնաբանել է տեղեկությունն այն մասին, որ ակումբը չի գնի հունգարական «Ֆերենցվարոշի» և Հայաստանի ազգային հավաքականի կիսապաշտպան Էդգար Սևիկյանի իրավունքները։ Ավելի վաղ RB Sport-ը նման տեղեկություն էր տարածել:
« Ես չգիտեմ, թե որտեղից է այս տեղեկությունը։ Հաստատ ոչ ակումբից։ Սա կատարյալ անհեթեթություն է»:
Անդրադառնալով հարցին, թե որքան է հավանականությունը որ հայ ֆուտբոլիստը կմնա «Լոկոմոտիվում» Նագորնիխը նշել է.
«Մրցաշրջանն ամենաթեժ փուլում է, ամեն ինչ կարող է պատահել։ Բայց հիմա, հավանաբար, պարզապես ճոճում են նավակը»,- ակումբի ներկայացուցչի խոսքերը փոխանցում է «Championat»-ը։
23-ամյա Էդգար Սևիկյանը 2024 թվականի սեպտեմբերից վարձավճարով հանդես է գալիս «Լոկոմոտիվում»: Նրա տրանսֆերային իրավունքները պատկանում են «Ֆերենցվարոշին»։
https://iravunk.com/sim/?p=308373&l=am/