Մոսկվայում վերջին հրաժեշտը տվեցին ժողովրդական արտիստ Բեդրոս Կիրկորովին

ՌԴ վաստակավոր արտիստ Բորիս Մոիսեւի, ժողովրդական նկարիչ, ՌԴ գեղարվեստի ակադեմիայի ակադեմիկոս, նկարիչ-մոդելավորող Վալենտին Յուդաշկինի եւ ժողովրդական արտիստ, կինոդերասանուհի, երգչուհի Իրինա Միրոշնիչենկոյի կողքին՝ «Տրոեկուրովսկոյե» գերեզմանատանն իր վերջին հանգրվանը գտավ ՌԴ եւ Բուլղարիայի ժողովրդական արտիստ, «Հայրենիքին մատուցած ծառայությունների համար» 2-րդ աստիճանի շքանշանակիր, երգիչ ԲԵԴՐՈՍ ԿԻՐԿՈՐՈՎԸ:

Նրան վերջին հրաժեշտ տալու էին եկել ռուսաստանյան մշակութային, հասարակական, քաղաքական գործիչներ, Կիրկորովների ընտանիքի բարեկամներն ու երկրպագուները, այդ թվում նաեւ ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը: Ռուսաստանյան մամուլում լայնորեն շրջանառվում էր հարցը, թե արդյոք նախկին սկեսրայրին, ում հայր էր անվանում, հրաժեշտ տալու կգա ԽՍՀՄ ժողովրդական արտիստ Ալլա Պուգաչովան, սակայն պրիմադոննայի համերգային ծրագրերի տնօրեն Ելենա Չուպրակովան տվել էր լակոնիկ մեկնաբանություն. «Չի գալու»:

92-ամյա Բեդրոս Կիրկորովը մահացել է մարտի 18-ին, մահվան պատճառը սրտի կանգն է եղել։ Որդին՝ ՌԴ ժողովրդական արտիստ, երգիչ Ֆիլիպ Կրկորովը, որը մեկնել էր նկարահանումների արտասահման, գույժն իմանալով՝ շտապել էր Մոսկվա:

«Իհարկե, ցնցվեցի, բայց, ինչպես ասում են, show must go on։ Ես պրոֆեսիոնալ եմ: Դա ինձ հետապնդում է կյանքի ընթացքում: Երբ մայրս մահացավ, նրան թաղեցինք, եւ նույն օրը ես թռա Իսրայել. համերգ ունեի Երուսաղեմում։ Այդպիսին է արտիստի կյանքը։ Այս ամենը բեմից դուրս ենք թողնում, ժողովուրդը ոչ մի բանի մասին չպետք է կասկածի։ Այդպես էր նաեւ այս անգամ։ Լուրն իմանալուն պես Մոսկվայի տոմս գնեցի, չեղարկեցի բոլոր նկարահանումներն ու վերադարձա»,- հոր հոգեհանգստից առաջ նշել է Ֆիլիպ Կիրկորովը։

ՀՐԱՆՏ ՍԱՐԱՖՅԱՆ

Այս թեմայով «Մոսվոդոկանալը» դատարանի միջոցով պահանջել է երգիչ Ֆիլիպ Կիրկորովից պետտուրք գանձել Ուկրաինայի անվտանգության ծառայությունը Ֆիլիպ Կիրկորովի նկատմամբ հետախուզում է հայտարարել Ֆիլիպ Կիրկորովը դիմեց Փաշինյանին. Տեսանյութ Ֆիլիպ Կիրկորովը հիվանդության պատճառով երեխաներին ուղարկեց ԱՄՆ Այդպես էլ չհասկացա, թե ինչու է Փաշինյանը Ղարաբաղը համարում անօրինական պետություն. Բեդրոս Կիրկորովի սիրտը բաբախում էր հայերի ցավին համահունչ