Ով ինչ վարկանիշ ունի՝ քարոզարշավի մեկնարկից ուղիղ 10 օր անց

Գյումրիի ավագանու ընտրությունների նախընտրական քարոզարշավի պաշտոնական մեկնարկից անցավ ուղիղ 10 օր: Թե ով ինչ վարկանիշ ձեռք բերեց այս ընթացքում, եւ ինչպիսին կլիներ պատկերը, եթե հենց այս կիրակի տեղի ունենար ընտրությունները, հուշում է Iravunk.com կայքում ընթացող սոցհարցման վերջին 10 օրվա արդյունքները:

Այսպիսով՝ թե ո՞ր թեկնածուին քաղաքացիները կցանկանան տեսնել Գյումրիի քաղաքապետի պաշտոնում, հարցման մասնակիցների 35 տոկոսը քվեարկել է «Իմ հզոր համայնք» կուսակցությունով առաջադրված պրոդյուսեր Ռուբեն Մխիթարյանի օգտին: Երկրորդ տեղում Կոմունիստական կուսակցությունով առաջադրված քաղաքապետի թեկնածու Վարդան Ղուկասյանն է` 20 տոկոս ձայներով:

Երրորդ տեղը «Մայր Հայաստան» դաշինքով առաջադրված Կարեն Սիմոնյանինն է՝ 7 տոկոս ձայներով: Չորրորդ տեղը կիսում են քաղաքապետի ՔՊ-ական թեկնածու Սարիկ Մինասյանն ու ԱԺ «Պատիվ ունեմ» խմբակցության պատգամավոր Մարտուն Գրիգորյանը, որն առաջադրվել է քաղաքապետի թեկնածու «Մեր քաղաքը» դաշինքով. յուրաքանչյուրը ստացել է ձայների 5 տոկոսը:

«Եվրադաշինք»-ով առաջադրված քաղաքապետի թեկնածու Լեւոն Բարսեղյանը 5-րդ տեղում է՝ 4 տոկոս ձայներով: Ձայների 3 տոկոսով 6-րդ տեղում է «Դեմոկրատական այլընտրանք» կուսակցությունով առաջադրված քաղաքապետի թեկնածու Արտյոմ Ղարաղազարյանը: Նախավերջին տեղում «Ապրելու երկիր» կուսակցության կողմից առաջադրված Կարեն Մալխասյանն է՝ ընդամենը 2 տոկոս ձայներով: Իսկ վերջին տեղում ՀԱՍԿ-ից առաջադրված թեկնածու Արտյոմ Թումանյանն է, ով արժանացել է ձայների զրո տոկոսին:

Ի դեպ, քվեարկությանը մասնակցածների 19 տոկոսը նշել է, որ դեմ է բոլոր վերոնշյալ թեկնածուներին:

ՀՐԱՆՏ ՍԱՐԱՖՅԱՆ

Այս թեմայով Լավ, կարելի՞ է չէ` մի քիչ ձեզ համեստ պահեք. ԶԱՐՄԱՆՔ Աղազարյանին երանի են տալու. ԲԱՄԲԱՍԱՆՔ Հպումը հպման հետևից, խաղի կատարյալ կառուցում. «Ինտերը»` Մխիթարյանի մասին(տեսանյութ) Թող որ լինեմ այսoրվա սխալը, վայր եմ դնում մանդատս. Նավակ ճոճողը հայտարարությամբ է հանդես եկել «Ինտերը» մեկնաբանել է Սպերցյանի նկատմամբ հետաքրքրության մասին լուրերը