«Ժողովուրդ». ՔՊ-ականները չպետք է «փայ» մտնեն․ ինչ որոշվեց ԱԺ-ում

«Ժողովուրդ» օրաթերթը գրում է. «1 տարվա ընթացքում վարորդները 9 բալի փոխարեն կունենան 13 բալ:
ՔՊ-ական պատգամավորներ Ալեն Սիմոնյանի, Ռուբեն Ռուբինյանի, Արմեն Խաչատրյանի հեղինակած «Վարչական իրավախախտումների վերաբերյալ օրենսգրքում փոփոխություններ կատարելու մասին» օրենքի նախագիծը երեկ երկրորդ ընթերցմամբ ԱԺ պաշտպանության եւ անվտանգության հարցերի մշտական հանձնաժողովում դրական եզրակացություն ստացավ:

ՔՊ-ականները երեկ հավաքվել էին, եւ մեկը մյուսին հերթ չտալով՝ առաջարկություններ ու քննարկումներ էին անում:

«Ժողովուրդ» օրաթերթի աղբյուրները փոխանցում են, որ ՔՊ խմբակցության ներսում այս օրենքի փոփոխության վերաբերյալ ամեն մեկն իր հերթին ցանկացել է ընդառաջել վարորդներին, հանրության առջեւ «հերոս» երեւալ:

Հիմնական զեկուցող ՔՊ-ական Արմեն Խաչատրյանը հայտարարեց, որ իրենք ընդունել են միայն Զարուհի Բաթոյանի առաջարկը, իսկ մյուս պատգամավորների կողմից ներկայացված առաջարկները բովանդակային առումով փոխում էին օրենքի նախագիծը. ուստի որոշում է կայացվել, որ նրանք հանդես գան հեղինակային առանձին օրինագծով:

Այսինքն Խաչատրյանը ակնհայտ ցույց է տվել, որ դա իրենց գաղափարն է ու մյուս ՔՊ-ականները չպետք է «փայ» մտնեն այս թեմայի մեջ»:

Առավել մանրամասն թերթի այսօրվա համարում

Այս թեմայով Այն, ինչ տեղի է ունենում Արցախի տարածքում, մեր ժամանակների ամենամասշտաբային մշակութային ցեղասպանություններից մեկն է Ինչ փոխեցին աշխարհում ՌԴ Պետդումայի ընտրությունները Ինչ նոտարական փաստաթուղթ է իրականում ստորագրել Հարությունյանը Բաքվի բանտում Ինչ-որ լուրջ բա՞ն է սպասվում Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը