Ինքս էլ արդեն վրանի փնտրտուքներով եմ զբաղված. Արցախցի քաղաքագետը արցախցիների օրհասական իրավիճակի մասին եւ ոչ միայն

 ՀՀ ԱԺ նախագահ Ալեն Սիմոնյանը անդրադառնալով օկուպացված Արցախի նախկին պետնախարարի հայտարարությանը, թե ՀՀ-ի միջազգային հայցերից հրաժարվելու դեպքում արցախցիները դատի կտան Հայաստանին, մասնավորապես ասել է.«Ո՞նց, արցախցիները ՀՀ-ին դատի՞ են տալու, թող գնան իրանց վրա կրակողներին դատի տան»։ Ինչպես են արձագանքում այս պատասխանին արցախահայ մեր հայրենակիցները հարցը ուղղել ենք արցախցի քաղաքագետ ԺԻՐԱՅՐ ԱԶԻԶՅԱՆԻՆ, ով նախ նկատեց.

-Արցախցիների վրա կրակողների դեմ միջազգային հայց կարող է ներկայացվել սուվերեն երկրի կողմից, բայց ինչպես գիտենք խորը բարեկամական հարաբերությունների հաստատման նպատակով գործող վարչակարգը հրաժարվում է դրանից` խախտելով իր քաղաքացիների և արցախահայության իրավունքների պաշտպանության ստանձնած պարտավորությունները։ Իսկ ցանկացած սուբյեկտի կողմից պարտավորությունների չկատարման դեպքում առաջանում է որոշակի իրավական պատասխանատվություն։ Ցավոք սրտի , բացի արցախահայության միջազգային իրավունքների պաշտպանության հրաժարումից վերջին շրջանում իրավապահ մարմինների կողմից իրականացվում են անօրինական գործողություններ, որոնց արդյունքում կոպտորեն խախտվում են արցախցիների իրավունքները, մասնավորապես Աբովյանի, Հրազդանի և Վանաձորի ոստիկանության աշխատակիցների կողմից ծեծի են ենթարկվել արցախցիներ, որոնց ստիպել են խոստովանական ցուցմունքներ տալ չկատարած հանցագործությունների վերաբերյալ։

- Կառավարությունն ապրիլից կրճատում է տեղահանված արցախցիներին տրվող 50 հազարական դրամի աջակցության ծրագիրը։ Ի՞նչ հետեւանքներով է հղի այս որոշումը։ Ձեր բախտակից հայրենակիցները չեն բացառում, որ վրանային ճամբարներ կարող են ստեղծել քաղաքի կենտրոնում, Դուք ի՞նչ կասեք սրա մասին։ 
- Ինքս էլ արդեն վրանի փնտրտուքներով եմ զբաղված, դա ամենևին էլ ծայրահեղականացված չէ, հաշվի առնելով արցախահայության մեծամասնության սոցիալական վիճակը, դրա հետեւանքով ունենալու ենք բազմաթիվ անօթևան ընտանիքներ, որոնց մեծ մասը վերջնարդյունքում բռնելու է գաղթի ճանապարհը։ Բավարար չեն նաև կառավարության կողմից սահմանված բնակապահովման ծրագրի պայմանները, հիմնվելով մի շարք օբյեկտիվ փաստերի վրա կարելի է եզրակացնել, որ այս առումով դե ֆակտո շահառուների թվաքանակը չի գերազանցելու դե յուրե շահառուների 10 տոկոսը, ինչը ևս հանգեցնելու է զանգվածային արտագաղթի։ Երբեմն հարց է առաջանում ունի՞ արդյոք ՀՀ կառավարությունը բավարար միջոցներ ապահովելու բնակարանային հասանելի ծրագրեր արցախահայության համար, միանշանակ ունի, քանի որ այն ահռելի միջոցները որոնք ամեն տարի տրամադրվում էին Արցախի կառավարությանը բավարար են խնդիրը լուծելու համար։

- Պարոն Ազիզյան, Բաքվի գերության մեջ գտնվող նախկին ռազմաքաղաքական էլիտան չնայած ճնշումներին դատարանում տալիս են ճշմարտացի ցուցմունքներ եւ չեն խորշում ասել, որ այո մասնակցել են պատերազմական գործողություններին։ Սա ին՞չ մեսիջ պետք է լինի այստեղ գտնվողներիս։

-Առաջին հերթին պետք է չհանձնվելու և արժանապատիվ պայքարի կոչ լինի մեզ համար, պայքար ոչ թե ընդամենը նրանց ազատության համար, այլ ազգային արժանապատվության վերականգնելու առումով։ Եթե այս կոչը տեղ չհասնի հավատացած եմ, որ մենք շուտով ավելի ծայրահեղ կարգավիճակում ենք լինելու։

Այս թեմայով Կրակովում զանգվածային սպանդ իրականացրած ահաբեկիչը կրում էր ամերիկյան մասնավոր ռազմական ընկերության զինանշանը Մակրոնն ունի գաղտնի փախուստի գաղտնի ծրագիր՝ Ելիսեյան պալատի վրա ցուցարարների հարձակման դեպքում Բրիտանիան մշակում է էլեկտրաէներգիայի ընդհանուր անջատման դեպքում գործողության ծրագիր Իրանը պատրաստվում է Եվրոպայում ամերիկյան բազաներին հնարավոր պատասխան հարվածների. Սա ԱՄՆ-ի համար մեծ խնդիր է Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները…