«ԱՅՍ ՀԱՂԹԱՆԱԿԻ ՀԱՄԱՐ ՊԱՐԱՊԵԼ ԵՎ ՍՊԱՍԵԼ ԵՄ 10 ՏԱՐԻ». ՄԱՐՏԱԿԱՆ ՍԱՄԲՈՅԻ ՀԱՅԱՍՏԱՆԻ ՆՈՐԸՆԾԱ ՉԵՄՊԻՈՆ ՎԱԴԻՍ ՀԱՄԲԱՐՁՈՒՄՅԱՆ

Երևանում կայացել են մարզական և մարտական սամբոյի երիտասարդների /տղաների և աղջիկների /Հայաստանի առաջնությունները։ Վերջնարդյունքում ձևավորվեց Հայաստանի սամբոյի երիտասարդների հավաքականը։ Ոմանք կրկնեցին նախորդ արդյունքը, ոմանք էլ առաջին անգամ դարձան առաջնության հաղթող, առաջին անգամ «ճաշակեցին» հաղթանակի բերկրանքը։

Iravunk. com -ի մարզական թղթակիցը կապ է հաստատել ու զրուցել սամբոյի Հայաստանի չեմպիոնի տիտղոսը առաջին անգամ նվաճած, Եղվարդի մանկապատանեկան մարզադպրոցի սան ՎԱԴԻՍ ՀԱՄԲԱՐՁՈՒՄՅԱՆԻ հետ։ Նա այսպես մեկնաբանեց իր երկար սպասված հաղթանակը.

- Հանդես եկա մարտական սամբոյի 71 կգ քաշային կարգում։ Ընդհանուր չորս գոտեմարտ եմ անցկացրել ու հաղթել բոլոր մրցակիցներիս։ Սա Հայաստանի իմ անդրանիկ չեմպիոնությունն էր, նախորդ տարիներին միշտ ինչ - որ բան խանգարում էր ինձ հաղթելու համար։ Փառք Աստծո, այս անգամ ստացվեց ինձ մոտ։ Չգիտեմ, պայքարս ու ձգտումս երազանքներիս հասնելու համար անսահման է, որտեղ մեծ է նաև անձնական մարզչիս Վաչիկ Վարդանյանի մեծ ներդրումը։ Ամեն ինչ կանեմ այս հավաքականի կազմում լինելս արդարացնելու և միշտ մեդալներ նվաճելու համար։ Այս հաղթանակի համար ես պարապել եմ ու սպասել 10 տարի, ինչը բավականին երկար ժամանակահատված է։ Հաղթանակից հետո հուզմունք ու լարվածություն կար ինձ մոտ, քանի որ սա երազանքի պես մի բան էր, որը կատարվեց։ 8 տարեկանից եմ սկսել պարապել սամբոյով, այժմ 18 տարեկան եմ։ Հաջորդ երազանքիս հետևից պիտի գնամ արդեն աշնանը հոկտեմբեր ամսին, Ինդոնեզիայի Բալի քաղաքում կայանալիք Աշխարհի առաջնությանը։ Շատ լավ պիտի պարապեմ, որպեսզի ոսկե մեդալով վերադառնամ Հայաստան։ Ի դեպ, նշեմ, որ եղբայրս Ալեքս Համբարձումյանը, ևս զբաղվում է այս մարզաձևով, նա էլ օրերս դեռահասների Հայաստանի առաջնության չեմպիոն դարձավ, իմ օրինակը վարակիչ եղավ նրա համար, ինձանից ոգեշնչվեց, ու նա էլ սկսեց պարապել սամբոյով։ Սամբոն, մարզաձև լինելուց բացի, նաև առողջ ապրելակերպ է, վերջապես իզուր չեն ասում «առողջ հոգի, առողջ մարմնում» հայտնի այս արտահայտությունը։

- Շնորհակալություն, Վադիս, մեզ ժամանակ տրամադրելու համար։

- Շատ զգացված եմ, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։