Թեւանյանի «պոպուլիզմն» ու իշխանության «ճղճիմությունը»

Երեւանի ավագանու իշխանական երկու խմբակցությունները՝ ՔՊ-ն եւ Հանրապետություն»-ը լքեցին նիստերի դահլիճը՝ չապահովելով քվորում, երբ պետք է քննարկվեր տրանսպորտի գինը չբարձրացնելու նախագիծը: Այն ավագանու նիստ էր բերել Անդրանիկ Թեւանյանի «Մայր Հայաստան» խմբակցությունը՝ 17 հազար երեւանցու ստորագրություններով:

Անդրադառնալով վերոնշյալին՝ Երեւանի ավագանու «Մայր Հայաստան» խմբակցության ղեկավար ՄԱՆՈՒԿ ՍՈՒՔԻԱՍՅԱՆՆ ասաց, որ ավելի ճղճիմ եւ փոքրոգի, ավելի վախկոտ եւ ողորմելի վարքագիծ դժվար է ենթադրել։

«Ցույց տվեցին, որ իրենք նաեւ քաղաքական, քաղաքացիական առումներով էլ, որպես երեւանցի էլ սպառվել են, իրենք պաթոլոգիկ վախեր ունեն, իրենք խայտառակ ցածր վարկանիշ ունեն եւ շատ լավ իմանալով, որ Մայր Հայաստանը» բացի քաղաքական գնահատական հնչեցնելուց, նաեւ փաստեր, թվեր, վիճակագրություն է վերհանում, որը հերթական անգամ այդ տիղմը հանում է ջրի երես, դրանից վախենալով, խուսափելով` իրենք դեմարշ արեցին: Բայց թող պատրանքներ չունենան՝ այն խոսույթը, որ մենք ունենք` տրանսպորտային համակարգում տիրող այդ խայտառակ իրավիճակի հետ կապված, միշտ լինելու է ավագանու նիստերի դահլիճում եւ միշտ լինելու է արդիական: Սրանով իրենք նաև էլ ավելի ամուր դարձրին մեր նախնական մտադրությունը, որ փորձենք իրականություն դարձնել տեղական հանրաքվեն», - ընդգծեց Սուքիասյանը։

Երեւանի ավագանու Հանրապետություն» խմբակցության ղեկավար ԱՆԻ ԽԱՉԱՏՐՅԱՆՆ էլ հակադարձում է. «Անդրանիկ Թեւանյանի բերած նախագիծը խոսքերով է, ոչ մի հաշվարկ դրված չի տակը, ընդամենը պոպուլիզմ է: Անկեղծ ասած սիրով կմնայի դահլիճում եւ օրինակ` զեկուցող Անդրանիկ Թեւանյանին հարց կտայի, թե ինչու հրաժարվեց քաղաքացիների կողմից իրեն տված ավագանու մանդատից եւ չեկավ քվեարկելու, բոյկոտելու, բարձրաձայնելու նախագծերը, որոնք այս 1,5 տարվա ընթացքում եղել են այստեղ»:

Դիտարկմանը, որ ներկայացվել է տասնյակ հազարավոր երեւանցիների ստորագրություններ, որոնք աջակցում են վերոնշյալ նախագծին, Հանրապետություն» խմբակցության ղեկավարը շեշտեց. «Տասնյակ հազարավոր մարդկանց համաձայնություն էլ մենք ունենք, որոնք մեզ քվե են տվել: Հանրապետություն» կուսակցության առաջին համար Արտակ Զեյնալյանն էլ, ես էլ բազմիցս մեր հարցազրույցներում նշել ենք, որ տրանսպորտի բարեփոխումներն անելուց հետո տրանսպորտի սակագինը ուզենք, թե չուզենք բարձրանալու է»:

Անի Խաչատրյանը հավաստիացնում է, որ Երեւանի քաղաքացիներն ունենալու են իրենց արժանի տրանսպորտային ցանցը:

ՀՐԱՆՏ ՍԱՐԱՖՅԱՆ

Հ.Գ.- Թեմայի շուրջ մանրամասները կարդացեք թերթի առաջիկա համարում:

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն ՇՏԱՊ. Որպես անհետ կորած որոնվում է 2011թ. ծնված Անի Գևորգյանը Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Փաշինյանը սկսեց «ձեռ առնել» Սուրիկ Խաչատրյանին. «Մարդու իրավունքների մեծ պաշտպան է»