Գեղարքունիքի պարեկները թմրաշրջանառության դեպքեր են բացահայտել

Մարտի 8-ին Գեղարքունիքի պարեկները սահմանված արագությունը գերազանցելու համար կանգնեցրել են «Օպել» մակնիշի մի մեքենա։ Ստուգման ընթացքում պարզվել է, որ 39-ամյա վարորդը չունի վարորդական իրավունքի վկայական։ Տղամարդը դրսևորել է կասկածելի վարքագիծ և պարեկներին է ներկայացրել կանեփանման զանգվածով փաթեթ։ 

Նա ձերբակալվել և տեղափոխվել է  Համայնքային ոստիկանության  Ճամբարակի բաժին, որտեղ անձնական խուզարկությամբ նրա մոտ հայտնաբերվել է դեղնականաչավուն զանգվածով փաթեթ, կաթուցիչ և 2 դանակ։ 

Գեղարքունիքի  պարեկների հաջորդ բացահայտումը մարտի 10-ին էր։

Իրավապահները, ապօրինի թմրամիջոց ձեռք բերելու և պահելու կասկածանքով, Գավառ քաղաքի Ազատության փողոցում ձերբակալել և Համայնքային ոստիկանության Գավառի բաժին են տեղափոխել 25-ամյա մի երիտասարդի։

Բաժնում նա ներկայացրել է կաթուցիչ և մարիխուանայի նմանվող զանգվածով թղթե փաթեթ։ Երիտասարդը հայտնել է, որ փաթեթում մարիխուանա է՝ անձնական օգտագործման համար։

Մարտի 15-ին Ճամբարակ-Դրախտիկ ավտոճանապարհին պարեկները ստուգման նպատակով կանգնեցրել են «Ֆոլքսվագեն» մակնիշի մի մեքենա, որի 35-ամյա ուղևորը պարեկային ծառայողների բանավոր պահանջով ներկայացրել է թղթե փաթեթ և դանակ։

35-ամյա տղամարդը հայտնել է, որ փաթեթի դեղնականաչավուն զանգվածն ինքն է  պատրաստել վայրաճ կանեփի թփերից` անձնական օգտագործման համար։
Բոլոր դեպքերով կազմված փաստաթղթերն ուղարկվել են նախաքննական մարմին։

Այս թեմայով ՀՐԱՏԱՊ. Ավտոբուսը շրջվել է, 5 մարդ մահացել է Մանրամասներ՝ Գեղարքունիքի մարզում 23-ամյա զինծառայողի մահվան դեպքից․ նա իր ազգականին հաղորդագրություն է ուղարկել Արմավիրի և Գեղարքունիքի մարզպետները՝ մանդատները չվերցնելու, մարզային աշխատանքները շարունակելու մասին ՍԱՐՍԱՓ. Նրա ձեռքում եղել են կնոջ մազերը. Նոր մանրամասներ՝ Սևանում 22-ամյա հղի կնոջ կյանքից հեռանալու դեպքից Վերաքննիչ քաղաքացիական դատարանը բեկանել է Երևանի քաղաքապետ Տիգրան Ավինյանի հոր՝ Արմեն Ավինյանի դեմ կայացված վճիռը