Իմ կյանքի մեծագույն երազանքներից մեկը Հայաստանի ազգային հավաքականում խաղալն է եղել. Նիկոլաս Կալուկյան

Հայաստանի ազգային հավաքականը շարունակում է մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում։ Երեկ՝ մարտի 16-ին մեր ընտրանին անցկացրել է առաջին մարզումը։

Մարզմանը մասնակցել է նաև թիմի նորեկ Նիկոլաս Կալուկյանը, որը պատասխանել է ՀՖՖ TV-ին տված հարցերին։

«4 տարեկանից զբաղվում եմ ֆուտբոլով, մեծացել եմ պապիկիս և հայրիկիս հետ ֆուտբոլ խաղալով, ովքեր ևս ֆուտբոլիստներ են եղել։ Հայկական մշակույթը մեծ ազդություն է ունեցել ինձ վրա, մեծացել եմ հայկական մտածելակերպով, չնայած ամբողջ կյանքս ապրել եմ ԱՄՆ-ում։

Խաղացել եմ «Նյու Ջերսի Սիդեր Սթարս Ակադեմիայի» թիմում, որը հանդես է գալիս ՄԼՍ-ում։ Դրանից հետո գնացի համալսարան, հանդես եկա երկու տարբեր համալսարանների թիմերում։

ԱՄՆ-ում մի փոքր տարբեր է Եվրոպայից, շատ ֆուտբոլիստներ սկզբում խաղում են համալսարանական թիմերում, որից հետո միայն սկսում են իրենց պրոֆեսիոնալ կարիերան։

Իմ կյանքի մեծագույն երազանքներից մեկը Հայաստանի ազգային հավաքականում խաղալն է եղել, և հիմա ես այստեղ եմ՝ պատրաստ թողնելու իմ հետքը։ Ազգային հավաքականում հանդես գալու հրավերը ստանալուց հետո առաջին մարդն, ում զանգել եմ՝ իմ հայրն է եղել։ Նա միշտ եղել է իմ ոգեշնչման աղբյուրը։ Հետո, իհարկե, այդ ամենի մասին տեղեկացրի ընտանիքիս մյուս անդամներին ևս։ Նրանք բոլորն այս պահին ԱՄՆ-ում են, շատ հպարտանում են ինձնով և աջակցում ցանկացած հարցում»,- ասել է Կալուկյանը ՀՖՖ TV-ին տված հարցազրույցի ժամանակ։

Ամբողջական հարցազրույցը՝ տեսանյութում․

Այս թեմայով Նիկոլաս Մադուրոն հրամայել է զինվորականներին պատրաստ լինել ԱՄՆ-ի կողմից «անխուսափելի հարձակմանը» Էքստրասենսները նույն կանխատեսումն են արել 2025 թվականի ավարտի համար․ ի՞նչ են նրանք տեսել Վենեսուելայում «գունավոր հեղաշրջման» հերթական փորձն է` Նիկոլաս Մադուրոյի հաղթանակից հետո «Սանիթեքը» շարունակում է ենթարկվել ագրեսիվ վարչական ճնշումների. Նիկոլաս Թավիլ «Արսենալը» նույն հիասթափությունն է ապրել կապված Մխիթարյանի հետ.Չարլի Նիկոլաս