Ուկրաինան երբեք ավելի էժան գազ չի գնել, քան Ռուսաստանից. Ազարով

Անկախ Ուկրաինայի պատմության մեջ չի եղել մի ժամանակաշրջան, երբ նա ավելի էժան գազ է գնել, քան Ռուսաստանից «բավականին նորմալ գներով»։ Այս մասին Telegram-ի իր ալիքում գրել է Ուկրաինայի նախկին վարչապետ Նիկոլայ Ազարովը, հայտնում է EADaily-ն։

Որպես փաստարկ՝ նա վկայակոչել է սեփական կյանքի փորձը։

«Եթե չլինեին Տիմոշենկոն, Յուշչենկոն, մենք մինչև հիմա կշարունակեինք գազ գնել այն գներով, որով գնում է Բելառուսը։ Ինչն էր մեզ խանգարում: Ոչինչ։ Մենք տասնամյա պայմանագրեր ենք ունեցել Ռուսաստանի հետ էժան գներով գազ մատակարարելու վերաբերյալ», - նշում է նա։

Ընդ որում, նա արձանագրել է, որ կապույտ վառելիքի էժան գները ձեռնտու են հասարակ ժողովրդին, Իսկ ահա «օլիգարխներին ու առևտրականներին» ՝ ոչ։

«Պարզապես այն պատճառով՝ որքան բարձր է գինը, այնքան ավելի շատ են նրանք վաստակում: Դրա համար էլ մեզ անընդհատ խանգարում էին հասնել գազի էժան գների։ Եվ երբ մենք գինը իջեցրինք հազար խորանարդ մետրի դիմաց 100 դոլարի Գերագույն Ռադայում մի ամբողջ փոթորիկ բարձրացավ»,- հիշում է նախկին վարչապետը։

Այս թեմայով Ուկրաինան և ԱՄՆ-ը հուշագիր են ստորագրել հանքային ռեսուրսների վերաբերյալ Հայաստանին ակտիվ սպառազինվելու մեջ մեղադրող Ադրբեջանը 2024-ին ավելի քան 2 միլիարդ դոլարի զենք է գնել Ո՞վ ավելի շատ կայֆ կստանա, ե՞ս, թե դուք. Աղազարյանի՝ գարեջրային ալեգորիաներով ելույթը Ավելի լավ է տառաչանաչ չլինել, քան դառնալ Հակոբյան Աննայի սանը.Armenian info Գոնե Եռաբլուրում հուղարկավորված Ձեր գործընկերներից ամաչեք.Պահեսստազորի սպա նախաձեռնություն