«Փաստ». Կործանելով՝ «փրկում» են ու հոխորտում

«Փաստ» օրաթերթը գրում է.«Երբ որոշ ժամանակ առաջ «ոլորապտույտ» քարոզչական կեռմաններով դաշտ բերվեց «Մեղրու թեման»՝ «նախկինների» սոուսով, շատերը (ու շատերի թվում նաև մենք) կանխատեսեցինք, որ դա հենց այնպես չի արվում, իսկ ավելի կոնկրետ՝ նախապատրաստվում են նորանոր զիջումներ, նույնիսկ՝ զիջումների նոր փուլ: Ավելին, նշեցինք, որ այդ հանգած թեման «թարմացվում» է, Փաշինյանի կողմից «Մեղրին հանձնելը» փաթեթավորելու և արդարացնելու համար:

Թե՛ Փաշինյան-Ալիև «պակտի» նախագծի վրա «աշխատանքն» ավարտելու մասին Բաքվից ու Երևանից հնչած հայտարարությունները, թե՛ «հերոս-հարկատուների» հաշվին Թուրքիայից բերված լրագրողներին Փաշինյանի տված հարցազրույցը, թե՛ ԱԺ-ում Փաշինյանի ճեպազրույցում ասվածը հստակ հաստատում էին՝ տալիս է, զիջում է, զիջելու է՝ ճանապարհներ, տարածքներ, հողեր, երկրի ինքնիշխանությունը:

Կա կարծիք, թե նման դրսևորումները Փաշինյանի ու քպականների ջղաձիգ հոգեվիճակի ապացույցն ու արտացոլումն են:

Հնարավոր է: Ամեն ինչ հնարավոր է: Բայց կարևորը դա չէ, այլ երևույթն ինքնին. իրենց սանձարձակ ու ցինիկ պահվածքը նրանք շարունակում են, քիչ չէ, դեռ մի բան էլ՝ որպես երկրին ու ժողովրդին արված մե՜ծ լավություն են հրամցնում Հայաստանն ուղղակիորեն սպառնալիքների տակ մտցնելը: Թե բա՝ մենք փրկիչ ներ ենք: Դե, կոր ծ ան ե լ ո վ ՝ «փրկում» են»:

Այս թեմայով Լրջագույն խնդիր, որի պատասխանատուն ու կրողը քաղաքային իշխանությունն է Կրակոցների միջադեպից հետո մասնակիցները նախ փրկում են ամենաարկարեւորը (Տեսանյութ) Հեռու մնացեք մի մարդուց, ով իր լռությամբ նվիրյալ է. Արցախցի փաստաբանը գեներալ Վիտալի Բալասանյանի մասին «Ժողովուրդ». Անդրանիկ Քոչարյանը անհետ կորածների ծնողներին մոլորեցրել է ու հոխորտում է Լեգենդար ապրանքներ ԽՍՀՄ-ից, որոնք դեռ փրկում են մեզ առօրյա կյանքում