Ցավոք, նախարարությունը ոչնչով չկարողացավ մեզ օգնել. Սոս Պետրոսյան

20-րդ դարի կրկեսի եւ կինոյի ամենաինքնատիպ աստղերից մեկի՝ ՀԽՍՀ ժողովրդական արտիստ, կրկեսի դերասան, ծաղրածու, գրող Լեոնիդ Ենգիբարյանի միակ սանը եղել է «Երեւանյան կրկես» մշակութային կենտրոնի գեղարվեստական ղեկավար եւ հիմնադիր տնօրեն, ՀՀ մշակույթի վաստակավոր գործիչ ՍՈՍ ՊԵՏՐՈՍՅԱՆԸ, ում հետ փորձեցինք խոսել մեծն արտիստի մասին, որը մարտի 15-ին կդառնար 90 տարեկան, սակայն ի զարմանս մեզ՝ նա չցանկացավ եւս մեկ անգամ կիսվել իր ենգիբարյանական հուշերով: Սահմանափակվեց միայն հղում անելով իր հին հարցազրույցներին:

Ինչ վերաբերում է մեծանուն արտիստի 90-ամյա հոբելյանին՝ Սոս Պետրոսյանն ասաց, որ հենց այդ օրը՝ մարտի 15-ին, Պարոնյանի անվան երաժշտական կոմեդիայի պետական թատրոնում սպասվում է նոր «Ճանապարհ դեպի կրկես» բազմաժանր ներկայացումը՝ նվիրված Լեոնիդ Ենգիբարյանին:

«Մենք մեկ տարի է, ինչ աշխատում ենք այս նախագծի վրա, այնպես որ, շատ լուրջ ենք մոտեցել հարցին եւ ստից չենք ասում Ենգիբարյանի 90 -ամյակն է: Բեմում լինելու են իմ սաները, կրկեսային երգեր, պարեր՝ նվիրված Ենգիբարյանին: Նրա մասին պատմող տեսանյութ է ներկայացվելու: Ցավոք, Կրթության, գիտության, մշակույթի եւ սպորտի նախարարությունը ոչնչով չկարողացավ մեզ օգնել, եւ այս ծրագիրն անելու ենք միայնակ՝ առանց պետական աջակցության: Նրանք միայն… մի խոսքով՝ շատ բան կա ասելու, կգաք, կխոսենք»,- փոքր- ինչ վրդովված եզրափակեց խոսքը Սոս Պետրոսյանը:
Ի դեպ, Սոս Պետրոսյանը կտրականապես չցանկացավ խոսել նաեւ կրկեսի շենքի բացման չարչրկված թեմայի մասին, մինչդեռ նախկինում գոնե ժամկետներ էր նշում:

ՆԱՆԱ ՍԱՐԳՍՅԱՆ

Այս թեմայով Մենք Սոսի հետ վաղուց խոսացել ենք ու որևէ խնդիր իրար հետ չունենք. Մհեր Մկրտչյան «Ես 1 անգամ ասացի «անասուն», բոլորը զարմացան, հիմա Աժ-ում դա ամենանուրբ ու լավ բառն է». Սոս Պետրոսյան Սոս Հակոբյան. Նիկոլ Փաշինյանը վարչապետ չէ, նրա որոշումները օրինական ուժ չունեն` ըստ Փաշինյանի կանոնի Ռուսական լրատվամիջոցներում աղմուկ է բարձրացրել, որ կողոպուտի համար դատապարտված Սոս Մարտիրոսյանը դարձավ Սոչիի պատգամավոր Այսպիսին են եղել մեր Մեծ Դերասանները, որոնք պատիվ կբերեին աշխարհի լավագույն բեմերին. Հայտնի փաստաբանը Թատրոնի միջազգային օրվա առթիվ