Ու այսպիսի մարդիկ երեսատեղ ունե՞ն. ԶԱՐՄԱՆՔ

Մինչ ԴՕԿ կուսակցությունը հայտարարում է, որ չի մասնակցի մարտի 30-ին կայանալիք Գյումրու ավագանու արտահերթ ընտրություններին, քանի որ իրենց կուսակցության պատվավոր նախագահ Վարդան Ղուկասյանի կյանքն այս պահին վտանգված է, եւ իրենց համար նրա անվտանգությունն առաջնահերթ նշանակություն ունի, զարմանալիորեն ընտրություններին մասնակցության հայտ ներկայացրեց «Ապրելու երկիր» կուսակցությունը, որի ղեկավարը՝ ՄԱՆԵ ԹԱՆԴԻԼՅԱՆՆ Ազատության հրապարակում հացադուլի մեջ է: Ընդ որում՝ ոչ միայն վտանգված է Թանդիլյանի առողջությունը, այլ այս կուսակցության հետ ասոցացվող Ռուբեն Վարդանյանի կյանքը՝ այն էլ Բաքվի բանտում: Բայց, արի ու տես, փոխանակ «Ապրելու երկիր»-ն առաջնահերթ համարեր գերության մեջ գտնվող Արցախի ռազմաքաղաքական ղեկավարության ազատության հարցը, գնում է ընտրությունների Գյումրիում:

Ի դեպ, ֆայտոն նստած ու իր հոլովակով համացանցում մի քանի օր ծաղրուծանակի արժանացած ԱՐՏՅՈՄ ԹՈՒՄԱՆՅԱՆԸ դարձել է Գյումրիի քաղաքապետի թեկնածու՝ գլխավորելով «Հայաստանի աշխատավորական սոցիալիստական կուսակցության» ցուցակը: Ով է նա, էլ ավելի ուշագրավ է, ինչի մասին մանրամասներ է ներկայացնում դատարանի դահլիճում մահացած պրոդյուսեր Արմեն Գրիգորյանի պաշտպան, իրավապաշտպան Ռուբեն Մելիքյանը: Ըստ նրա` վերջինս լուսահոգի Արմեն Գրիգորյանի դեմ «տռավլյան» կազմակերպած անձն է, որին հաջորդեց ցուցադրաբար ստորացնելով ձերբակալությունը, ապա կալանքն ու մահը դատարանի դահլիճում։ «Օրվա հերոսը» լրատվամիջոցներից մեկին տված հարցազրույցում անդրադարձել է Արմենի «գլուխը ուտելու» գործում իր դերակատարման հարցին, չի հերքել փաստը (ո՞նց հերքեր անհերքելին) ու … կրկին հոխորտացել է։ Ո՛չ մի զղջում։ Ո՛չ մի գրամ զղջում։ Ո՛չ մի բառ ցավակցություն»,- նշել է իրավապաշտպանը։ Ու այսպիսի մարդիկ երեսատեղ ունե՞ն, որ հիմա էլ քաղաքապետարանում են ուզում տեղ գտնել:

Ակտիվիստ ներկայացող, ժամանակին՝ 2018-ին, Նիկոլ Փաշինյանի շարժման մոլի աջակից, սկանդալային գործիչ ԻՇԽԱՆ ՎԵՐԴՅԱՆԸ դիմել է Ադրբեջանի իշխանություններին՝ քաղաքական ապաստան տրամադրելու խնդրանքով։ Այս մասին հայտնում են ադրբեջանական ԶԼՄ-ները: Ըստ այդմ, Վերդյանն իր ուղերձում հայտնել է, որ Հայաստանում իր դեմ իբր քրեական գործ է հարուցվել Արցախը հրապարակայնորեն Ադրբեջանի կազմում ճանաչելու համար։ Նրա խոսքով` Հայաստանի իշխանությունները նրա համար ցմահ ազատազրկում են պահանջում՝ Ադրբեջանի եւ Հայաստանի ինքնիշխանության փոխադարձ ճանաչմանը աջակցելու, ինչպես նաեւ Արցախի մասին քննադատական ​​հայտարարությունների համար։ Նույն աղբյուրների պնդմամբ` Վերդյանը նշել է, որ իր վերադարձը Հայաստան նշանակում է անխուսափելի ձերբակալություն, իսկ հայտարարված միջազգային հետախուզումն իրեն զրկում է այլ երկրներ մեկնելու հնարավորությունից։ Դրա հետ կապված՝ նա պաշտոնապես խնդրել է իրեն քաղաքական ապաստան տրամադրել Ադրբեջանում։ Հիշեցնենք, որ նույն Վերդյանը 2021-ին եւս դիմել էր Ադրբեջանի նախագահ Իլհամ Ալիեւին: Ահա եւս մի խայտառակ պատմություն Նիկոլի «իրական» Հայաստանից: Բայց զավեշտն այն է, որ Վերդյանի ասածը, եթե ճիշտ լիներ, այս իշխանությունը ոչ թե քրգործ կհարուցեր, մի բան էլ կպարգեւատրեր, չէ որ նա ասել է այն, ինչ ասում է Փաշինյան Նիկոլը:

Զարմացած է «Իրավունք»-ը

Այս թեմայով Վրացիներն իրենց կարթն արագ նետեցին հայկական հորձանուտի մեջ Ինչու էր դերասան Արտյոմ Կարապետյանը դողում բեմ բարձրանալուց առաջ «Իշխան Զաքարյանին որ հանդիպեք, ի՞նչ կասեք, կոռուպցիայի մեջ եղե՞լ է», «Գնահատական չեմ կարող տալ» Աննան վերստին փաստեց՝ Քոչարյանը Ղրիմը չի ճանաչում դե յուրե ՌԴ կազմում Հայտնի են Արտյոմ Բանդիկյանի բուժզննման արդյունքները