Ինչ է փոխվել ՀՅԴ նոր Բյուրոյում

Նախորդ շաբաթ կայացավ ՀՅԴ 35-րդ Ընդհանուր ժողովը, որի արդյունքում ընտրվեց Հայ Յեղափոխական Դաշնակցության Բյուրոյի նոր կազմը: Հիշեցնենք, որ ՀՅԴ նախորդ՝ 34-րդ Ընդհանուր ժողովը տեղի էր ունեցել 2022 թվականին, եւ Բյուրոյի հին կազմը նոր ընտրություններով զգալի փոփոխություններ է կրել:

«Իրավունք»-ի աչքից չվրիպեց այն, որ ՀՅԴ Բյուրոյի նոր կազմում այլեւս Արցախի ներկայացուցիչ չկա, նախկինում Արցախի ԱԺ նախագահ Դավիթ Իշխանյանն էր, որն այժմ գերության մեջ է: Հուրախություն իշխանության՝ ՀՅԴ Բյուրոյի կազմից ցավալիորեն դուրս է մնացել Հայ դատի եւ քաղաքական հարցերի գրասենյակի ղեկավար Կիրո Մանոյանը։

Բյուրոյի կազմում իրենց դիրքերը պահպանել են Արսեն Համբարձումյանը (Հայաստան), Մուրադ Փափազյանը (Եվրոպա), Րաֆֆի Տոնապետյանը (Կանադա), Խաժակ Մկրտչյանը (ԱՄՆ):

Իսկ ՀՅԴ Բյուրոյի նոր կազմը համալրել են Լիլիթ Գալստյանը (Հայաստան), Տարոն Տոնոյանը (Հայաստան), Սեւան Դանիելյանը (Իրան), Տարոն Տեր-Խաչատուրյանը (ԱՄՆ), Հակոբ Բագրատունին (Լիբանան):

Այլեւս Բյուրոյի անդամ չեն Վիգեն Բաղումյանը (Իրան), Մկրտիչ Մկրտիչյանը (Լիբանան), Դավիթ Իշխանյանը (Արցախ): Իսկ ՀՅԴ Բյուրոյի ներկայացուցիչ Հակոբ Տեր-Խաչատուրյանի փոխարեն ՀՅԴ կուսակցության բարձրագույն մարմնի՝ Բյուրոյի ներկայացուցիչ է ընտրվել Արմեն Ռուստամյանը (Հայաստան): Վերջինս երեկ հստակություն մտցրեց Դավիթ Իշխանյանի վերաբերյալ: Ըստ նրա` Դավիթ Իշխանյանի հետ կապված ընդհանուր ժողովն առանձին որոշում է կայացրել, որ նա պահպանում է իր անդամության կարգավիճակը Բյուրոյի մեջ։ Նա նշեց, որ երբ Դավիթ Իշխանյանն ազատության մեջ լինի ու վերադառնա գերությունից, պետք է համալրի Բյուրոյի կազմը: «Սա միաձայնությամբ է որոշվել, մինչև անգամ նոր բյուրոյի ընտրության հարցի օրակարգ մտնելը: Դավիթ Իշխանյանը պահպանում է բյուրոյի անդամի իր կարգավիճակը։ Արցախի կառույցը նույնպես մենք պահպանում ենք, որը տեղափոխվել է Հայաստան»,- մանրամասնեց նա:

Ի դեպ, ՀՅԴ-ական մեր աղբյուրների պնդմամբ՝ կուսակցության նոր Բյուրոյի կազմում մեծ մասամբ կուսակցության առանցքային գործիչ Հրանտ Մարգարյանի վստահելի անձինք են:

Սեփ. լրատվություն

Այս թեմայով Աջակցության ծրագրերը խիստ անհրաժեշտ են, որպեսզի մարդիկ չհայտնվեն փողոցում․ Չորս անգամ փախստական դարձած արցախցի Արմեն Մելիքբեկյանը քառամյա ժամկետով ընտրվեց ՈւԵՖԱ-ի գործադիր կոմիտեի անդամի պաշտոնում Փաշինյանն արդեն բաց տեքստով ցուցադրում է իր դժգոհություն սեփական թիմից. Արմեն Հովասափյան Արմեն Սարգսյանի օտարերկրյա քաղաքացիության մասին գործի նախաքննությունը շարունակվում է. ՔԿ Ընդդիմադիր ուժերը պետք է լուրջ մոտենան նախընտրական քարոզարշավին. Արմեն Բադալյան