Մարտ ամսվա կանխատեսումը փոխվել է. Գագիկ Սուրենյան

Մարտի սկզբին հայտարարել էի, որ կանխատեսվում է մարտին օդի ջերմաստիճանը և տեղումների քանակը Հայաստանի տարածքում նորմայի սահմաններում, սակայն կանխատեսումներում ունենք փոփոխություն»,- ասուլիսում հայտարարեց «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։

«Սակայն վերջին 2-3 օրերին մթնոլորտի շրջանառության մեջ տեղի ունեցան էական փոփոխություններ։ Ատլանտյան օվկիանոսում գտնվող Ազորյան կղզիների շրջակայքում ձևավորված հզոր ազորյան անտիցիկլոնը տարածվեց ամբողջ Եվրոպայում, հասավ Թուրքիա, ճյուղավորումները հասան Հայաստան և Կովկաս։

Եվ այս մթնոլորտի շրջանառության էական փոփոխության արդյունքում մարտ ամսվա կանխատեսումը փոխվել է։ Կանխատեսվում է մարտին օդի ջերմաստիճանը ոչ թե նորմայի մոտ, այլ կլիմայական նորմայից բարձր մոտ 3-4 աստիճանով, տեղումների քանակը՝ նորմայից պակաս»,- ասաց Գագիկ Սուրենյանը։

Նա հայտնեց, որ տաք օդի ներխուժման դեպքում Հայաստանի լեռնային մարզերում՝ Շիրակ, Կոտայքի լեռնային գոտիներ, Արագածոտնի լեռնային գոտիներ, Գեղարքունիք, Վայոց ձորի լեռնային գոտիներ, ցերեկային ժամերին ջերմաստիճանը կհասնի մինչև +11-+16 աստիճան տաքության, Լոռիում՝ մինչև +16-+20 աստիճան տաքության, Տավուշում՝ մինչև +20-+24 աստիճան տաքության, Արարատում, Արմավիրում, Վայոց ձորի նախալեռնային հատվածներում ՝ +20-+24 աստիճան տաքության, Սյունիքի հովտային գոտում՝ +26 աստիճան տաքության, նախալեռնային հատվածներում՝ +18-+22 աստիճան տաքության։ 

Մարտին Երևանում առավելագույն ջերմաստիճանը սպասվում է +21-+23 աստիճան տաքություն։  

Այս թեմայով Մայիսի 13-ից հետ ենք գնում դեպի մարտ, տրամադրվե՛ք․ Գագիկ Սուրենյան Վաղվանից օրերը կտաքանան․ Գագիկ Սուրենյան Մենք նման ահաբեկիչ որակումներով նյութեր չենք հրապարակում. ԳագիկՍուրենյաբ Կորցրել եմ, չէի կարողանում ուշքի գալ, սիրել եմ ծայրաստիճան… Գագիկ Սուրենյան Ցրտահարություններ չեն սպասվում. Սուրենյան