Թունդ ալկոհոլն ամենաուժեղ միզամուղ ազդեցությունն ունի. Daily Mail

Լոս Անջելեսի Cedars-Sinai բժշկական կենտրոնից ուրոլոգ Ջասթին Հաումանի կարծիքով՝ թունդ ալկոհոլն ունի ամենաընդգծված միզամուղ և ջրազրկող ազդեցությունը։ Ավելի քիչ արտահայտված ազդեցություն ունեն էներգետիկ ըմպելիքները, գարեջուրը, կոֆեինով ու շաքարով ըմպելիքները, սոդան ու հյութերը։ Այս մասին հայտնում է Daily Mail-ը։

Ըստ փորձագետի՝ հիպոթալամուսը՝ ուղեղի այն հատվածը, որն օգնում է վերահսկել մարմնի ջերմաստիճանը, քաղցն ու ծարավը, տրամադրությունը, սեռական ցանկությունը, արյան ճնշումը և քունը, արտադրում է հակադիուրետիկ հորմոն (ADH): Այս քիմիական նյութը կարգավորում է ջրի և աղի մակարդակն օրգանիզմում։

ADH-ն ստիպում է երիկամներին ավելի շատ ջուր կլանել՝ նվազեցնելով արտադրվող մեզի քանակը: Սակայն, ալկոհոլը արգելափակում է հակադիուրետիկ հորմոնը և առաջացնում է հեղուկի ավելի արագ շրջանառություն մարմնում, ինչը կարող է պատճառ դառնալ, որ մարդը ավելի հաճախ զուգարան գնալու կարիք զգա: Միևնույն ժամանակ, թունդ ալկոհոլը և գինին ավելի ուժեղ են ազդում ADH-ի վրա, իսկ թեթև ալկոհոլային խմիչքները՝ ավելի թույլ։

Միզամուղ ազդեցությամբ երկրորդ տեղում են էներգետիկ ըմպելիքները, երրորդում՝ թեյն ու սուրճը, չորրորդում՝ գազավորված ըմպելիքները։ Բանն այն է, որ վերջիններս պարունակում են լուծված ածխաթթու գազ, որը ստեղծում է թթվային միջավայր, որը խթանում է միզապարկի լորձաթաղանթը։ Շաքարը կարող է նաև մեծացնել միզելու ցանկությունը:

Հյութերը մի փոքր ավելի մեղմ ազդեցություն ունեն, հատկապես նրանք, որոնք պատրաստված են ցիտրուսային մրգերից, ինչպիսիք են կիտրոնը, նարինջը և գրեյպֆրուտը: Մյուս կողմից, ցածր թթվայնությամբ մրգերից, ինչպիսիք են բանանը, սեխը և խնձորը պատրաստված սմութները, ավելի երկար են մնում օրգանիզմում։ Հաումանը հավելեց, որ ամենա«խոնավեցնող» ըմպելիքներից են բուսական թեյերը և առանց կոֆեինի սուրճը:

Այս թեմայով Ադրբեջանը երկու պայման ունի Հայաստանի հետ խաղաղության համաձայնագիր ստորագրելու համար Շնորհավոր Ձեր մասնագիտական տոնը մեր օրերի Վնասվածքաբանության գուրու Արմեն Գերասիմովիչ Որքանով է իրավաչափ Արցախի նախագահի ընտրությունները ՀՀ-ում. Փաստաբանը մանրամասնում է Միայն հզոր Մարդը, հզոր Մայրը կարող էր մինուճար բալին ֆիզիկապես կորցնել ու չխելագարվել. Հայտնի փաստաբանի հայտարարությունը «Փաստ». Ի՞նչ կապ ունի Ռոմանոս Պետրոսյանը Տավուշի հետ