Բացառում եմ Վարդան Ղուկասյանի Հայաստան արտահանձնումը. ԴՕԿ կուսակցություն

ԱՄՆ դեսպանատան դիմաց տեղի ունեցավ ակցիա՝ «Ազատություն Վարդան Ղուկասյանին» կոչերով: Ակցիայի մասնակիցները պահանջում էին ազատ արձակել ԴՕԿ կուսակցության հիմնադիր Ղուկասյանին եւ ոչ մի պարագայում չարտահանձնել Հայաստան՝ նրա իսկ անվտանգությունից ելնելով:

ԴՕԿ կուսակցության նախագահ ԱՆՈՒՅՇ ԽՈՒԴԱՎԵՐԴՅԱՆԸ վստահությամբ ընդգծեց, որ բացառում է Ղուկասյանի արտահանձնումը:

«Սա միգրացիոն խնդիր է: Գուցե կան այլ խնդիրներ, որոնցից ես տեղյակ չեմ: Եկեք չմոռանանք, որ Վարդան Ղուկասյանը շատ թշնամիներ ունի, որոնց կոկորդին կանգնած է, բայց հուսախաբ կլինեն, քանի որ Վարդան Ղուկաասյանը չունի ոչ մի քրեական գործ, կամ չի արել մի բան, որով խախտվել է Միացյալ Նահանգների օրենքը»-, ասաց նա:

ԴՕԿ կուսակցության նախագահը հիշեցրեց, որ Վարդան Ղուկասյանը երկքաղաքացիություն ունի. նա նաեւ Ռուսաստանի Դաշնության քաղաքացի է:

«Հնարավոր է՝ Հայաստանից բողոքներ են գնացել, որը կպարզաբանվի դատական նիստի ժամանակ, որից հետո՝ ամեն բան պարզ կլինի: Եկեք հասկանանք, թե ում էր խանգարում պարոն Ղուկսյանը՝ իշխանությանը, հինգերորդ շարասյանը, իսկ հասարակ ժողովրդին չի խանգարել, հակառակը՝ լուծել է նրանց բազմաբնույթ խնդիրները, բարձրաձայնել է Արցախի հետ կապված հարցերը: Օրը 24 ժամ միշտ արձագանքել է քաղաքացու զանգին՝ հետամուտ լինելով բոլոր խնդիրներին՝ կենցաղային հարցերից սկսած մինչեւ գլոբալ հարցեր: Անգամ Ռուսաստանում են հարցեր լուծվել նրա շնորհիվ: Ես կարծում եմ ներկայիս ԱՄՆ կառավարության կողմից կատարված որոշակի փոփոխությունները եւս կարող են նպաստել այս ամենին», - նշեց Խուդավերդյանը:

Ի դեպ, հավաքին ներկաները եկել էին պաստառներով, որոնց վրա գրված էր «Ազատություն Վարդան Ղուկասյանին»: Շուրջպար կազմելով Ղուկասյանի կողմնակիցներն ի ցույց դրեցին, որ ոգին չի կոտրվում եւ լիահույս սպասում են վերջինիս ազատմանը: Հավաքին ներկա էին տարբեր քաղաքներից համակիրներ, ինչպես նաու տարբեր կուսակցության ներկայացուցիչներ, այդ թվում՝ «Ալյանս»-ից եւ այլ քաղաքական ուժերից: Հավելենք, որ Միացիալ Նահանգներում եւս կայացել է հավաք՝ ի պաշտպանություն Վարդան Ղուկասյանի:

ՆԱՆԱ ՍԱՐԳՍՅԱՆ

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Մեզի կարմիր է տված, տրամադրությո՞ւնս՝ փառք Տիրոջը․ Վարդան Ղուկասյանին ոստիկաններն ուղեկցեցին դատարան Չարախնդացողներին պետք է հիասթափեցնեմ. Հայտնի փաստաբանը բացառիկ մանրամասներ է ներկայացնում Ուղիղ մեկ տարի՝ առանց Վարդան Բաբկենիչի ԱԺ անցած քաղաքական ուժերի,Կաթողիկոսի խորհրդարան չգալու,Վարդան Ղուկասյանի ազատության հարցերի շուրջ.Բացառիկ հարցազրույց հայտնի իրավապաշտպանի հետ