Բացի 222lava-ից ՊԵԿ-ը տուգանել է Tik-tok-Romantika-ին, gonchukshop-ին․ Panorama.am

Անցած տարվա վերջին սոցցանցերում 222lava անունով գրանցված ինֆլյուենսեր-բլոգեր Էրիկ Շահբազյանը հայտարարել է, որ ՊԵԿ-ն իրեն տուգանել է 109 մլն դրամով։ Նա նախ սպառնաց  լքել երկիրը, ապա ծաղրեց ՊԵԿ աշխատակիցներին, իսկ վերջերս էլ մտահոգություն հայտնեց, որ իրեն հնարավոր է կալանավորեն։

Ի՞նչ պարտավորություններ է ունեցել և ունի բլոգերը ՊԵԿ-ի առջև, ինչպե՞ս է հաշվվել վարչական տուգանքի չափը, հայտարարությունից  ավելի քան երկու ամիս անց պարտավորությունների ո՞ր մասն է կատարել բլոգերը։ Այս ու այլ հարցերի պատասխաններ ստանալու համար Panorama.am-ը գրավոր հարցմամբ դիմել է ՊԵԿ-ին։

ՊԵԿ գլխավոր քարտուղար Էդգար Գևորգյանն ի պատասխան հարցման  վկայակոչել է        «Տեղեկատվության ազատության մասին» ՀՀ օրենքի 6-րդ  հոդվածի 3-րդ մասը, ըստ որի տեղեկատվության ազատությունը կարող է սահմանափակվել ՀՀ Սահմանադրությամբ և օրենքով նախատեսված դեպքերում, ապա նշել, որ ՀՀ հարկային օրենսգրքի 4-րդ հոդվածի 1-ին մասի 63-րդ կետի համաձայն՝ հարկային գաղտնիք է համարվում հարկ վճարողի, հարկ վճարողի գործունեության վերաբերյալ հարկային մարմնի կամ հարկային ծառայողի ստացած ցանկացած տեղեկություն, իհարկե որոշ բացառություններով։

Panorama.am-ը կոմիտեից հետաքրքրվել էր, բացի Է. Շահբազյանից, կա՞ն ինֆլյուենսեր-բլոգերներ, որոնք անցած տարվա ընթացքում  ենթարկվել են տուգանքների։  Ի պատասխան ՊԵԿ-ից երեք բլոգերի անուն են նշել.

«Սոցիալական ցանցերում (Instagram, Tik-tok, Facebook) գովազդային գործունեություն ծավալող բլոգերների նկատմամբ կայացվել են ներքոհիշյալ որոշումները․

1. Տարոն Ժիրայրի Սարգսյանի /Tik-tok-Romantika/ նկատմամբ 10.10.2024թ.-ի թիվ 1524703 արձանագրությամբ արձանագրվել է ապօրինի գործունեություն իրականացնելու փաստ / ՀՀ հարկային օրենսգրքի 407-րդ հոդվածի խախտում/։ 01.11.2024թ.-ին ՀՀ ՊԵԿ իրավաբանական վարչության պետի կողմից կայացվել է վարչական ակտ, առաջադրվել է 39.246.000  ՀՀ դրամ հարկային պարտավորություն:

2. Մարինե Հովհաննեսի Շահվերդյանի /«gonchukshop» և «gonchuk_666»/ նկատմամբ              14.11.2024թ.-ի թիվ 1525279 արձանագրությամբ արձանագրվել է ապօրինի գործունեություն  իրականացնելու փաստ /ՀՀ հարկային օրենսգրքի 407-րդ հոդվածի խախտում/։        29.11.2024թ.-ին ՀՀ ՊԵԿ իրավաբանական վարչության պետի կողմից կայացվել է վարչական ակտ, առաջադրվել է 200.000 ՀՀ դրամ հարկային պարտավորություն:

3. Էրիկ Արայի Շահբազյանի /«222Lava»/ նկատմամբ 19.12.2024թ.-ի թիվ 1525209 արձանագրությամբ արձանագրվել է ապօրինի գործունեություն իրականացնելու փաստ /ՀՀ հարկային օրենսգրքի 407-րդ հոդվածի խախտում/։ Կատարվել է պետությանը պատճառված վնասի նախնական հաշվարկ։ 18.12.2024թ.-ին ՀՀ քրեական օրենսգրքի 281-րդ հոդվածի 2-րդ մասի 2-րդ կետի հատկանիշներով նախաձեռնվել է քրեական վարույթ, որի հիմքով 08.01.2025թ.-ին ՀՀ ՊԵԿ իրավաբանական վարչության պետի կողմից կայացվել է վարչական վարույթը կասեցնելու վերաբերյալ որոշում»։

Այս թեմայով ՍԱՐՍԱՓ. ՊԵԿ նախկին նախագահ Գագիկ Խաչատրյանը՝ դատարանի նիստերի դահլիճում ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը Ոչ դիլերների համար էլեկտրամոբիլների ներմուծման քվոտան սպառվում է. մնացորդը՝ 1000 հատ. ՊԵԿ Ինչպես կատարել անշարժ գույքի վարձակալությունից ստացված հարկային պարտավորությունները. ՊԵԿ պարզաբանում «Հրապարակ». ՊԵԿ 24/7 ռեժիմով Գագիկ Ծառուկյանի բիզնեսներն են ստուգում