Ինքնահրկիզման փորձ կատարած կնոջ գործը վերաքննիչ դատարանը վարույթ է ընդունել

Իրավունք»-ը գրել էր, որ   ինքնահրկիզման փորձ կատարած   կնոջ՝ Լուսինե Սիմոնյանի հայցը Շենգավիթի առաջին ատյանի ընդհանուր իրավասության դատարանը բավարարել է:

Հիշեցնենք` 2015 թ-ին քաղաքացին, երկու երեխաների մայր 40-ամյա Լուսինե Սիմոնյանը երկրորդ եւ երրորդ աստիճանի վնասվածքներով տեղափոխվել էր «Ճառագայթային բժշկության և այրվածքների կենտրոն» բժշկական կենտրոն:

Ինքնահրկիզման պատճառն այն է, որ Լուսինե Սիմոնյանն իր բնակարանը վարձով տվել էր նորապսակ ընտանիքի, իսկ ինքն իր երեխաներով տեղափոխվել հանրակացարան: Բավական երկար ժամանակ վարձակալած տանը ապրելով` նորապսակ զույգն էլ իր հերթին է բնակարանը վարձով տվել: Նոր վարձակալներն էլ տանը եղած բոլոր իրերը վաճառել են` ունեցած պարտքերը փակելու համար: Տիկին Սիմոնյանը, իմանալով, որ իր տան եղած-չեղածն օտար մարդիկ իրենցով են արել` դիմել է ոստիկանության Շենգավիթի բաժին, որտեղից էլ գործն ուղարկվել է ՀՀ քննչական կոմիտե: Այստեղ նախ հարուցվել է քրեական գործ, բայց հետո կարճվել է, որովհետեւ Լուսինեի ամուսինը հայտարարել է, թե ինքը տեղյակ է եղել, որ տան իրերը վաճառվել են:

Լուսինե Սիմոնյանից այսօր տեղեկացանք, որ դատախազը բողոքարկել է առաջին ատյանի  վճիռը վերաքննիչ դատարան: Մայիսի 16-ին  վերաքննիչ  դատարանի դատավոր Մխիթար Պապոյանի նախագահությամբ տեղի է ունեցել դատական առաջին նիստը: Հայցվոր կողմը` դատախազը, ասել էր, որ  Լուսինե Սիմոնյանի բողոքի հիման վրա հարուցված քրեական գործը կարճվել է, քանի որ  Լուսինե Սիմոնյանի տան վարձակալներից մեկը  մահացել է:  Պատասխանող կողմի` Լուսինե Սիմոնյանի փաստաբանն էլ հիշեցրել է` վարձակալը մահացել է  2016 թ-ին, իսկ  իր պաշտպանյալը բողոք է ներկայացրել 3 տարի առաջ:

Վերաքննիչ դատարանն իր վճիռը կկայացնի  հունիսի 12-ին`ժամը 11:00-ին:

ՍՈՆԱ ԴԱՎԹՅԱՆ

Այս թեմայով ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Մոսկվայում Հայկ Սարգսյանի բերած մարդը սադրեց, կոնֆլիկտ եղավ, քաշեց ձեռքիցս, բղավեցի վրան Գանձասարի դեպքով Հաջիևի հետ խոսել եմ, ինքն իմ համարն ունի, ես իրենը, ամեն ինչին չենք արձագանքելու, Սահմանադրական դատարանը հապճեպ որոշում է կայացրել`TRIPP-ի համաձայնագիրը չի հակասում Մայր օրենքին