«Ռեալը» հայտնել է տրանսֆերային նպատակների մասին

Մադրիդի «Ռեալը» պատրաստվում է ամառային տրանսֆերային պատուհանին։ «Սերուցքայինները» նախատեսում են անցկացնել տրանսֆերային ամառը գրեթե առանց նոր ձեռքբերումների։ «Արքայական» ակումբը ցանկանում է միայն ձեռք բերել Տրենտ Ալեքսանդեր-Առնոլդին «Լիվերպուլից»՝ պաշտպանության աջ եզրը ուժեղացնելու համար։

Մադրիդցիները մտադիր են շարունակել ազատ գործակալի կարգավիճակում գտնվող աստղերին ձեռք բերելու ռազմավարությունը։ Նույն մոտեցումն էին կիրառել անցյալ տարի Կիլիան Մբապեի դեպքում, և այժմ այդպես են ծրագրում վարվել նաև Տրենտի պարագայում։

«Ռեալի» համար առաջիկա ամառային տրանսֆերային պատուհանը լինելու է հանգիստ, եթե իհարկե չլինի արտառոց իրավիճակ, օրինակ՝ Վինիսիուս Ժունիորի կամ Կառլո Անչելոտիի հեռացումը։

Ակումբում վստահ են, որ կենտրոնական պաշտպանության խնդիրը լուծվել է Ռաուլ Ասենսիոյի առաջընթացի շնորհիվ, ինչը կարող է օրինակ ծառայել մյուս երիտասարդ պաշտպանների համար։

Բացի այդ, նշվում է, որ Լուկա Մոդրիչը հավանաբար կմնա ևս մեկ մրցաշրջան, Դանի Սեբալյոսը հակված է պայմանագրի ժամկետի երկարաձգմանը, իսկ Օրելիեն Չուամենիի վերջին շրջանում ցուցադրած վստահ խաղը վերջ է դրել Մարտին Սուբիմենդիի նկատմամբ հետաքրքրվածությանը։

Այս թեմայով Դոբրոպոլեն ռեալ ֆիզիկական շրջապատման շեմին է (Քարտեզ) Որքան էլ արժեցել երկու հայ ֆուտբոլիստների տրանսֆերը լեհական ակումբ ՉԼ. «Ռեալի» և «Ինտերի» մեկնարկային կազմերը Հայաստանը կանգնեց ռեալ տնտեսական շրջափակման և անվտանգային վակուումի առջև.Տնտեսագետը ահազանգում է Թրամփին մնում է երկու ռեալ քայլ. ընդունել պարտությունը կամ միջուկային հարված հասցնել Իրանին