Իշխանությունները տապալման նոր քաղաքականություն են վարում. Բենիամին Մաթեւոսյան

«Իրավունք»-ը զրուցել է «Պոլիտէկոնոմիա» հետազոտական ինստիտուտի վերլուծաբան, քաղաքագետ ԲԵՆԻԱՄԻՆ ՄԱԹԵՎՈՍՅԱՆԻ հետ: Նրա գնահատմամբ՝ ռազմավարական պլանավորման տեսանկյունից՝ ՀՀ իշխանությունները տապալման նոր քաղաքականություն են վարում:

— Եթե հիշենք, թե Արցախն ինչպես ընկավ, կարող ենք ասել, որ դա սկսվեց 2022 թ. գարնանը՝ Փաշինյանը ԱԺ-ում հայտարարեց, որ եթե իջեցնենք Արցախի նշաձողի վերաբերյալ մեր ակնկալիքները, ապա Հայաստանի շուրջ կձեւավորվի լայն կոնսենսուս: Իջեցրեցինք այդ նշաձողը, Ադրբեջանն էլ օգնեց Փաշինյանին իջեցնել այդ նշաձողը՝ Ջերմուկի վրա հարձակմամբ: Հանձնեցինք Արցախը եւ վերջում դրա դիմաց չստացանք նույնիսկ Հայաստանի նկատմամբ տարածքային ամբողջականությունը: Թվում է, թե ինչ կապ ունի այս ամենը ռուս-ամերիկյան հարաբերությունների հետ, բայց պետք է հիշեցնեմ, որ այդ փուլում ռուսական կողմը խնդիրներ ուներ: Խարկովի մասից եւ շատ այլ մասերից իրենք հեռանում էին: ՀՀ իշխանությունները, հավանաբար, անսալով մի շարք փորձագետների վերլուծություններին (այդ թվում նաեւ, ըստ իս, ոչ հայաստանցի), որոշում կայացրին, որ ճիշտ ժամանակն է լքել ռուսական շոգեքարշը: Բայց այժմ տեսնում ենք, որ իրավիճակը մարտի դաշտում զգալիորեն փոխվել է: Մարդիկ մոտ երկու տարի առաջ ասում էին, որ ինչ էլ լինի՝ ՌԴ-ն արդեն պարտվել է պատերազմում, բայց այսօր հայտարարում են, որ Ռուսաստանը չի ուզում պատերազմը կանգնեցնել, որովհետեւ առաջ է գնում:

ԴԻԱՆԱ ՄԱՆՈՒԿՅԱՆ

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Փաստ». Քաղաքական վերակազմավորումներ և ընդդիմադիր ցուցանիշներ ՇՏԱՊ. ՀՀ նախագահ անճանաչելիորեն փոխվել է. ՖՈՏՈ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով