Տրանսֆերային նոր մոդել. «Ինտերի» նախագահը փակագծեր է բացել

Միլանի «Ինտերի» նախագահ Ջուզեպե Մարոտան խոսել է ակումբի տրանսֆերային քաղաքականության փոփոխությունների մասին և նշել, որ տնօրենների խորհուրդը մտադիր չէ մոտ ապագայում արմատական փոփոխություններ կատարել թիմում։

«Մեր մոդելը փոքր-ինչ կփոփոխվի, քանի որ ակումբի փիլիսոփայությունն է՝ վերադառնալ երիտասարդ ֆուտբոլիտների ներդրումներին, ովքեր երաշխավորում են ներդրումները և կարող են նպաստել այս թիմին:

Բայց չսպասենք մեծ փոփոխությունների։ Կարծում եմ, որ թիմերի միջին տարիքը նվազել է, և մենք պետք է հարմարվենք: Սա չի նշանակում, որ մեր փորձառու ֆուտբոլիստները դուրս կմնան թիմից։ Ընդհակառակը, նրանք շատ կարևոր դեր ունեն թիմում։

Մոդելը փոխելը չի ​​նշանակում, որ մենք չենք կարող հասնել մեր նպատակներին, որոնք միշտ նույնն են մնում։ Երբ մենք խոսում ենք մեր ակումբի մասին, մենք խոսում ենք մի ակումբի մասին, որի ԴՆԹ-ում կա «հաղթող» բառը: Սպորտում պետք է լինել հավակնոտ, բայց ոչ մեծամիտ։ Դա նշանակում է լինել ինքնավստահ, իսկ մենք վստահ ենք։ Մենք կշարունակենք նույն ոգով, բայց ցնցումներ չեն լինի»,- Մարոտայի խոսքերն է մեջբերում Tuttomercatoweb-ը։

Այս թեմայով Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Կիվուն խոսել է Մխիթարյանի մեկնարկային կազմ վերադարձի մասին «Ինտերի» մեկնարկային կազմը «Ուդինեզեի» դեմ խաղում ՉԼ. «Ռեալի» և «Ինտերի» մեկնարկային կազմերը Սնեյդերը թերագնահատել է «Ինտերի» ներկայիս ֆուտբոլիստների տաղանդը