Գալուստյանն արձագանքել է պատժամիջոցների ցուցակում իրեն ներառելու ԵՄ–ի որոշմանը

Ռուս կատակերգու Միխայիլ Գալուստյանը Gazeta.ru-ին տված հարցազրույցում ասել է, որ իրեն պատժամիջոցների ցուցակում ներառելու Եվրամիության որոշումը իր համար անակնկալ է եղել։ Նրա խոսքով՝ ինքն ուրախություն է բերել մարդկանց, սակայն դարձել է հալածանքի զոհ։

«Ինձ համար դա լրիվ անակնկալ էր: Ըստ ամենայնի, եվրոպացի քաղաքական գործիչներին ոչինչ չի մնում ասելու, երբ հալածանքների ու պատժամիջոցների են ենթարկվում մարդկանց ուրախություն ու ժպիտ պարգեւող դերասաններն ու մշակույթի գործիչները, կատակերգուներն ու երգիծաբանները։ Մենք շատ ենք, թքա՛ծ («нас Рать!») ։ Դուք չեք կարող մեզ բոլորիս փակել: Դուք պետք է հոգ տանեք ձեր քաղաքացիների մասին։ Մենք անպայման նորից կտեսնվենք»,– ասել է նա։

Փետրվարի 24-ին Եվրամիությունը հաստատել է Ռուսաստանի դեմ պատժամիջոցների 16-րդ փաթեթը, ցուցակում ընդգրկվել է 48 մարդ, այդ թվում՝ հեռուստահաղորդավարուհի Յուլիա Բարանովսկայան, շախմատիստ Անդրեյ Կարյակինը։ Պատժամիջոցներ են կիրառվել նաև 35 կազմակերպությունների և ութ ռուսական լրատվամիջոցների նկատմամբ։

Այս թեմայով Ինչու էր «Զվարթնոցում» ձերբակալված Միխայիլ Վերբիցկին ժամանել Երեւան «Զվարթնոց» օդանավակայանում ձերբակալվել է բլոգեր և մաթեմատիկոս Միխայիլ Վերբիցկին Այն, ինչ այսօր տեղի է ունենում Հայաստանում, հիշեցնում է Գորբաչովի ժամանակները. Վադիմ Կոզյուլին ՌԴ-ում ուժի մեջ է մտել հետմահու դատապարտված Միխայիլ Խաչատուրյանի վերաբերյալ որոշումը ՌԴ վարչապետ Միխայիլ Միշուստինը ժամանել է Պեկին