429 անձ դեռևս անհայտ կորած է համարվում Արցախյան հակամարտության 2020-2023 թթ. սրացումների հետևանքով. ԿԽՄԿ

Կարմիր խաչի միջազգային կոմիտեն 2024-ի ընթացքում մոտ 1,290 զանգ և այց է ունեցել Երևանի և Գորիսի գրասենյակներում` հակամարտության սրացումների արդյունքում ընտանիքների բաժանման առնչությամբ։

ԿԽՄԿ հաղորդմամբ, 62 ընտանիք դիմել է՝ իրենց անհայտ կորած հարազատների ճակատագիրը պարզելու խնդրանքով, և բացել որոնման հայտեր։

429 անձ դեռևս անհայտ կորած է համարվում հակամարտության 2020-2023 թթ. սրացումների հետևանքով՝ ընտանիքների կողմից ստացված դիմումների համաձայն։

«Մենք շարունակում ենք աշխատել համապատասխան կառույցների հետ՝ որոնման և նույնականացման գործընթացը դյուրացնելու և ընտանիքներին հուզող հարցերին պատասխաններ տալու ուղղությամբ»,- նշում են ԿԽՄԿ-ից։ 

557 բանավոր, տեսաձայնային և գրավոր Կարմիր խաչի հաղորդագրություններ են փոխանակվել հակամարտության առնչությամբ ազատազրկվածների և նրանց ընտանիքների միջև։ ԿԽՄԿ-ն կանոնավոր կերպով այցելում է պահվող անձանց՝ դիտարկելով ազատազրկման պայմանները և նրանց նկատմամբ վերաբերմունքը, ինչպես նաև նպաստելով հարազատների հետ նրանց կապի պահպանմանը։

3 անձ Արցախից Հայաստան է տեղափոխվել ԿԽՄԿ աջակցությամբ:

Այս թեմայով «Հրապարակ». Անգամ ՔՊ-ում դժգոհություն կա, որ եվրոպացիները Հայաստանը ներից հակամարտության պլացդարմը դարձրին ՌԴ-ի դեմ Հասի մամադ լավ չի. Արթիկում վթարի զիհ դարձած 21-ամյա տղան ընտանիքի միակ զավակն էր Արցախյան «էլիտան» նոր որոշում ունի Թուրքիան այդ հատվածը գործակելով կարողանո՞ւմ է Հայաստանին ավելի հեռուն՝ դեպի Սև ծով ելք տրամադրել.Տնտեսագետը Գյումրի-Կարս երկաթգծի մասին Իրանական հակամարտության ավա՞րտը, թե` Թրամփի նոր ֆոկուսը