Փաշինյանը փորձում է նվաստացուցիչ զիջումներով խաղաղեցնել ագրեսորին. Լևոն Զուրաբյան

ՀԱԿ փոխնախագահ Լևոն Զուրաբյանի ֆեյսբուքյան գրառումը. «Փաշինյանի «գաղափարախոսական ուղերձը» չէր պարունակում ո՛չ գաղափար, ո՛չ գաղափարախոսություն, և ո՛չ էլ ուղերձ: Դա ընդամենը իր 7 տարվա կառավարման ընթացքում հայտարարված տափակությունների և բովանդակազուրկ «աֆորիզմների» ամբողջական մի ժողովածու էր, որը կսազեր սովորական մի գրամոլի:

Այն կոչված էր «գաղափարախոսական» շղարշի տակ թաքցնել Սահմանադրության փոփոխության հետ կապված Ալիևի պահանջի կատարման պատրաստակամության մասին հայտարարությունը: Նիկոլ Փաշինյանը գաղափարապես այնքան սնանկ է, որ չի կարողանում անգամ ասել, թե ի՛նչ է ցանկանում փոխել Սահմանադրության մեջ, որը ևս մեկ անգամ վկայում է, որ փոփոխության մասին հայտարարելու միակ դրդապատճառը Ալիևի վերջնագիրն է:

Փաշինյանը փորձում է նման նվաստացուցիչ զիջումներով խաղաղեցնել ագրեսորին, բայց միևնույն է՝ չի ստանալու Ալիևից իր փնտրած «կադաստրի թուղթը»` խաղաղության պայմանագիրը:

Իշխող թիմը նաև բացարձակ անհամարժեք է աշխարհաքաղաքան կտրուկ փոփոխություններին: Ամերիկյան քաղաքականության շրջադարձը Թրամփի կամ Իլոն Մասկի քմահաճույքը չէ, այլ ամերիկյան գերտերության գերբեռնվածության և գերտարածվածության հետևանք: Այդ շրջադարձի նպատակն է` կանխել ԱՄՆ-ի ընթացքը դեպի ֆինանսական ճգնաժամ, որում այն կհայտնվի, եթե արմատապես չկրճատի կառավարության ծախսերը:

Հայաստանի քաղաքականությունը վերջին տարիներին կառուցվել է պրոպագանդիստական մի կեղծ թեզի վրա, ըստ որի Ռուսաստանը անխուսափելիորեն պարտվելու է Արևմուտքին: «Վեկտորի փոփոխության» այս արկածախնդիր քաղաքականությունն այսօր հայտնվել է փակուղու մեջ:

Արևմուտքի և Ռուսաստանի միջև հակամարտության կարգավորումը էապես կթուլացնի աշխարհաքաղաքական սպառնալիքները ինչպես մեր տարածաշրջանում, այնպես էլ ամբողջ աշխարհում: Միևնույն ժամանակ, Հայաստանի համար կա մեկ ուրիշ ահեղ սպառնալիք, որի հաղթահարման հեռանկարն անգամ դեռ չի երևում: Խոսքն այն վտանգի մասին է, որը կսպառնա մեր ազգային շահերին, եթե Իսրայելին կհաջողվի Միացյալ Նահագներին ներքաշել Իրանի դեմ պատերազմի մեջ»:

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը