Պայթյունի հետևանքով այրվածքներ ստացած Տեր Գևորգի առողջական վիճակում դրական դինամիկա կա

Մարտունիում եկեղեցու հարևանությամբ պայթյունի հետևանքով այրվածքներ ստացած Տեր Գևորգ քահանա Բարսեղյանի առողջական վիճակում դրական դինամիկա կա։ Այս մասին «Փաստինֆո»-ի հետ զրույցում հայտնեց ՀՀ ԱՆ Այրվածքաբանության և մաշկաբանության ազգային կենտրոնի տնօրեն Հովհաննես Հովհաննիսյանը։

Հիշեցնենք, որ փետրվարի 15-ին պայթյուն էր տեղի ունեցել Մարտունու Սուրբ Աստվածածին եկեղեցուն կից հովվատանը։ Պայթյունի հետևանքով եկեղեցու հոգևոր հովիվ Տեր Գևորգ քահանա Բարսեղյանը վնասվածքներ էր ստացել և տեղափոխվել «Մարտունի» բժշկական կենտրոն, ապա՝ Երևան։ Վնասվել են հովվատան մուտքի դուռը, պատուհանի ապակին։ Դեպքի փաստով նախաձեռնվել է քրեական վարույթ։

Հովհաննես Հովհաննիսյանը «Փաստինֆո»-ի հետ զրույցում հայտնեց, որ Տեր Գևորգ քահանա Բարսեղյանի մոտ դրական դինամիկա կա, անհանգստանալու կարիք չկա, այժմ գտնվում է պալատում, բուժումը շարունակվում է։ Այրվածքները եղել են մակերեսային, սակայն՝ ախտահարման տարածքը մեծ է եղել։

«Ամեն ինչ կարգավորվում է, կարծում եմ՝ առավելագույնը մեկ շաբաթ և կճանապարհենք տուն»։

Այս թեմայով Տրանսպորտի թանկացումը կասեցնող նախագիծը ստացել է դրական եզրակացություն, քվեարկությունը ապրիլի 22-ին է Երևան-Գյումրի ավտոճանապարհին վթարի է ենթարկվել գյումրեցի բլոգեր Գևորգ Կարապետյանը Երևանի վարչական շրջանների կոմունալների աշխատողներին բերում են Գյումրիում հանրահավաքի. ավագանու անդամն ահազանգում է Ուշադրություն. Մեկնարկում է «Հայոց տուն» նախաձեռնությունը, մասնակցելու է հայտնի պրոֆեսոր Արմեն Չարչյանը Բա որ ԱԺ-ի ՔՊ-ական երկոտանին ասում էր «լեզուներդ կկտրեմ», ո՞ւր էր քրեական հետապնդումը. Գևորգ Պետրոսյան