Ապօրինի զենք-զինամթերք հայտնաբերելու և առգրավելու ուղղությամբ միջոցառումները շարունակվում են

Քրեական ոստիկանության Երևան քաղաքի վարչությունում ապօրինի զենք-զինամթերք պահելու և կրելու վերաբերյալ ստացված օպերատիվ տվյալներն իրացնելիս փետրվարի 15-ին, ժամը 16.10-ին, մայրաքաղաքի Խորենացու փողոցում ձերբակալվել և վարչություն է տեղափոխվել Արմավիրի մարզի Արաքս գյուղի բնակիչ 30-ամյա մի երիտասարդ: Նրա անձնական խուզարկությամբ հայտնաբերվել է մարտական երկու ատրճանակ, մեկը` թմբուկավոր, առանց գրառումների, մյուսը` «Բայլկալ-442» գրառմամբ՝ լիցքավորված երեք փամփուշտով:

Երիտասարդն ու կազմված փաստաթղթերը ներկայացվել են Կենտրոն և Նորք-Մարաշ վարչական շրջանների քննչական բաժին:

Քրեական ոստիկանության Երևան քաղաքի վարչության ծառայողների նմանատիպ մեկ այլ օպերատիվ տեղեկության համաձայն` Լոռու մարզի Արևաշող գյուղում հաշվառված 41-ամյա տղամարդը «Քրայսլեր» մակնիշի իր մեքենայում և Երևանի Բաբաջանյան փողոցի` եղբորը պատկանող շինությունում ապօրինի պահում է զենք-զինամթերք:

Նախաձեռնվել է քրեական վարույթ, որի շրջանակում փետրվարի 14-ի առավոտյան, դատարանի որոշման հիման վրա կատարված խուզարկությամբ, Բաբաջանյան փողոցի շինությունում հայտնաբերվել է երկու ատրճանակ, մեկը` լիցքավորված 9 մմ տրամաչափի հինգ փամփուշտով: Արևաշող գյուղի նրա հաշվառման հասցեում հայտնաբերվել է 12 մմ տրամաչափի 70 և ազդանշանային 5 փամփուշտ, 4 դանակ և օպտիկական մեկ սարք: Մեքենայի խուզարկությամբ ոչինչ չի հայտնաբերվել:

Երկու դեպքով էլ հանգամանքները պարզվում են:

Այս թեմայով ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Լրջագույն խնդիր, որի պատասխանատուն ու կրողը քաղաքային իշխանությունն է Նման աշխատանքային վաստակի տեր մարդուն պետք է շտապ կարգով ուղարկել Պալմա դե Մալյորկա, բայց «Երևան-Կենտրոն» ՔԿՀ-ն էլ վատ փոխարինող չէ. Փաշինյանը՝ Գագիկ Խաչատրյանի մասին Սեդրակ Քոչարյանը «Երևան-Կենտրոն» ՔԿՀ-ում է Մեղադրանքի մի մասը արդեն իսկ բողոքարկվել է վարչական դատավարության կարգով, իսկ մյուս մասով չկան բավարար հիմքեր․ Շանթ Բագրատյանի փաստաբանը մանրամասներ է ներկայացնում