Պաշտոնական. Հայաստանի ազգային հավաքականը նոր գլխավոր մարզիչ ունի

«Այաքսի» և Հունաստանի ազգային հավաքականի նախկին գլխավոր մարզիչը կգլխավորի Հայաստանի ազգային հավաքականը: Այս մասին հայտնում է ՀՖՖ պաշտոնական կայքը:

61-ամյա նիդերլանդցի մարզիչ Ջոն վան’տ Սխիպը կգլխավորի Հայաստանի ազգային հավաքականը: Նրա օգնականի պարտականությունները կկատարի Նիդերլանդների հավաքականի նախկին ֆուտբոլիստ Արոն Վինտերը:

ՀՖՖ նախագահ Արմեն Մելիքբեկյանն այսօր ներկայացրել է Ջոն վան’տ Սխիպին ՀՖՖ Գործադիր կոմիտեի անդամներին: ՀՖՖ Գործկոմը հաստատել է վան’տ Սխիպի թեկնածությունը Հայաստանի Ազգային հավաքականի գլխավոր մարզչի պաշտոնում:

Մարզիչն իր պարտականությունների կատարմանը կանցնի 2025 թ. մարտի 1-ից: Պայմանագիրը նախատեսված է 1+1 ձևաչափով:

Ջոն վան’տ Սխիպը ծնվել է 1963 թվականի դեկտեմբերի 30-ին:

Ֆուտբոլիստի կարիերան

Նիդերլանդների հավաքական — 41 խաղ, 2 գոլ

1981-1992 Այաքս (Նիդերլանդներ) — 273 խաղ, 29 գոլ

1992-1996 Ջենոա (Իտալիա) – 107 խաղ, 11 գոլ

Որպես ֆուտբոլիստ՝ Նիդերլանդների հավաքականի կազմում դարձել է Եվրոպայի 1988 թ. չեմպիոն, «Այաքսի» կազմում 4 անգամ (1981-1982, 1982-1983, 1984-1985, 1989-1990) նվաճել է Նիդերլանդների չեմպիոնի տիտղոսը, ևս 3 անգամ՝ Նիդերլանդների գավաթը (1982-1983, 1985-1986, 1986-1987), ՈՒԵՖԱ-ի Գավաթակիրների Գավաթի (1986-1987) և ՈՒԵՖԱ-ի գավաթի (1991-1992) հաղթող է:

Որպես մարզիչ՝ գլխավորել է «Այաքսը» և Հունաստանի հավաքականը, եղել է Նիդերլանդների ազգային հավաքականի գլխավոր մարզիչ Մարկո Վան Բաստենի օգնականը: Ավստրալական «Մելբուռն Սիթին» նրա գլխավորությամբ 2016 թ. նվաճել է Ավստրալիայի գավաթը:

Մարզչական կարիերան

1997-2000 «Այաքս» (եր)

2000-2001 «Այաքս» — Գլխավոր մարզչի օգնական

2001–2002 «Տվենտե»

2002–2004 «Յոնգ Այաքս»

2004-2008 Նիդերլանդների ազգային հավաքական (գլխավոր մարզչի օգնական)

2008-2010 «Այաքս» — Գլխավոր մարզչի օգնական

2009 «Այաքս» — Գլխավոր մարզչի ժամանակավոր պաշտոնակատար

2010–2012 «Մելբուռն Հարթ»

2012–2013 «Գվադալահարա»

2013- 2017 «Մելբուռն Սիթի»

2017–2018 «Ցվոլե»

2019–2021 Հունաստան

2023–2024 «Այաքս»

Այս թեմայով Հայաստանի հավաքականի ֆուտբոլիստը փետրվարի 1-ից նոր ակումբ կունենա Սա իսկապես նշանակալի հաջողություն է հայկական ֆուտբոլի համար․ ՀՖՖ նախագահ «Ժողովուրդ». Թեժ ինտրիգներ ՀՖՖ-ի շուրջ Ո՞վ է ՀՖՖ նախագահի գլխավոր թեկնածուն Հայտնի են արտերկրում հանդես եկող Հայաստանի հավաքական հրավիրված 11 ֆուտբոլիստները