Ավելի դիպուկ պետք է լինել ստեղծած գոլային պահերի ժամանակ.Ինձագի

Իտալիայի չեմպիոն «Ինտերի» իտալացի գլխավոր մարզիչ Սիմոնե Ինձագին մեկնաբանել է «Յուվենտուսից» կրած 0:1 հաշվով պարտությունը Ա Սերիայի 25-րդ տուրի արտագնա խաղում։

«Չբավականացրեց մեկ գոլը։ Տղաներին կշտամբելու պատճառ չունեմ։ Գերազանց հանդիպում անցկացրինք, բայց առաջին խաղակեսում մենք պետք է գոլ խփեինք եւ հաղթեինք։ Եթե գոլ չես խփում, պայքարը բարդանում է։

Երկրորդ խաղակեսում մեր մոտեցումն այնքան էլ ճիշտ չէր, եւ մրցակիցը մեզ պատժեց։

Մենք պետք է ավելի համառ աշխատանք կատարենք։ Բայց հիմա պետք չէ բարձրագոչ հետեւություններ անել այս հապաղման հետեւանքով։

Մյուս թիմերի մրցաշարային դրությանը չեմ նայում։ Թուրինում այսպիսի խաղով արժանի էինք ավելիին։  Ավելի դիպուկ պետք է լինել ստեղծած գոլային պահերի ժամանակ։ Առաջին խաղակեսը պետք է չավարտվեր առանց գոլի»,- Ինձագիի խոսքը մեջբերում է TuttoMercatoWeb-ը։

«Ինտերը» 54 միավորով երկրորդն է եւ առաջատար «Նապոլիից» հետ է 2 միավոր։ «Յուվենտուսը» չորրորդն է՝ 46 միավոր։

Այս թեմայով «Ինտերի» մեկնարկային կազմը «Ուդինեզեի» դեմ խաղում ՉԼ. «Ռեալի» և «Ինտերի» մեկնարկային կազմերը Սնեյդերը թերագնահատել է «Ինտերի» ներկայիս ֆուտբոլիստների տաղանդը «Ինտերի» տրանսֆերային ծրագրերը «Ինտերը» երկարաձգել է պայմանագիրը Կիվուի հետ