Եթե որևէ մեկը մտածում է, որ Ռուսաստանին կարելի է այս աստիճանի արհամարհել, սխալվում է․ Ռոբերտ Քոչարյան

Եթե որևէ մեկը մտածում է, որ Ռուսաստանը այն երկիրն է, այն պետությունն է, որին կարելի է այս աստիճանի արհամարհել, չարամիտ սխալվում է։ Այս մասին այսօր՝ փետրվարի 17-ին, մամուլի ասուլիսի ընթացքում ասաց Ռոբերտ Քոչարյանը։

«Շատերը նաև մեր երկրում նեղացած են, թե ինչու Ռուսաստանը իր պարտավորությունը չկատարեց։ Մի հատ փորձենք այս ամեն ինչին նայել Ռուսաստանի աչքերով։ Դու կարող ես կանգնացնել այն, ինչ կատարվում է Ղարաբաղում, միայն ուժային միջամտությամբ, այլ կերպ ուղղակի հնարավոր չէ։ Բայց ո՞ւմ համար՝ ՀՀ–ի համա՞ր, որ ճակատագրական պահին անցել է քո թշնամիների կողմը։

Որևէ մեկը ձեզանից իրեն դավաճանած ընկերոջ համար կռվի մեջ կմտնի՞․ ընկալումն այսպիսին էր»,-նշեց ՀՀ երկրորդ նախագահը։

Քոչարյանի խոսքով՝ ՀՀ-ի կողմից դա ճակատագրական սխալ էր, որի համար վճարեցինք Արցախի կորստով։ Ինչպես նշել է Քոչարյանը, ըստ էության Ուկրաինայում տեղի է ունեցել պրոքսի-պատերազմ Ռուսաստանի Դաշնության դեմ, եւ այս իրավիճակում, անվտանգությունն ապահովելու փոխարեն, ՀՀ իշխանությունները սկսել են քանդել փխրուն կայունությունը։

«Եթե ռազմավարությունը լիներ օգտվել իրավիճակից եւ հեռանալ, ապա կարելի էր սպասել, որ Ռուսաստանը Հարավային Կովկասում իր դիրքերը պահպանելու համար կմոտենա Ադրբեջանին։ Այլ կերպ մտածելը երեխայամտություն է։ Այսպիսին է դաժան իրականությունը։ Չի կարելի արհամարհել ընկերոջ կենսական շահերը, հատկապես այն ընկերոջ, որից չափազանց կախված ես: Միայն Արցախում նյութական կորուստները, ամենահամեստ հաշվարկներով, կազմել են 80-100 մլրդ դոլար»,- նշեց Քոչարյանը։

Այս թեմայով Քրիս Ջենները բացահայտել է, որ իր թոռը` Թեյթումը անսովոր կապ ունի իր նախկին ամուսնու հանգուցյալ Ռոբերտ Քարդաշյանի հետ Ամոթ բոլոր նրանց, ովքեր կատարում են Փաշինյանի ապօրինի հրամանները․ Ռոբերտ Ամստերդամ Երկրաշարժը բնության աղետ էր, ահավոր էր, բայց մարդկանց ողնաշարներն ամուր էին, հիմա մեր ողնաշարը կոտրեցին. ՀՀ ժողովրդական արտիստ Ռոբերտ Քոչարյանը հավանաբար կմասնակցի ԱԺ ընտրություններին Պարո’ն Օհանյան, Արցախը շատ վաղուց ենք կորցրել, դուք էլ գիտեք. Անդրանիկ Քոչարյան