ՀՀ–ն չի տրվելու Ադրբեջանի սադրանքներին, մենք կառուցողական ենք տրամադրված․ Կոստանյան

Նման հայտարարությունները միտված են տարածաշրջանում էսկալացիոն ֆոնի ապահովմանը, ՀՀ–ն չի տրվելու նման սադրանքներին, մենք շարունակում ենք կառուցողական տրամադրված լինել։ Այս մասին լրագրողների հետ զրույցում ասաց ՀՀ ԱԳ փոխնախարար Վահան Կոստանյանը՝ անդրադառնալով Ադրբեջանի նախագահ Իլհամ Ալիևի սպառնալից հայտարարություններին։

Անդրադառնալով լրագրողի դիտարկանը, թե ինչ է անելու ՀՀ–ն, եթե Ադրբեջանը որոշի ուժով միջանցք բացել, ԱԳ փոխանախարարն արձագանքեց․ «Բնականաբար, ՀՀ–ն, իրեն հասու ողջ գործիքակազմով՝ դիվանագիտական և ոչ միայն, պիտի պաշտպանի իր տարածքային ամբողջականությունը»։

Նա հայտարարեց՝ Հայաստանն իր հարևան երկրներից որևէ մեկի նկատմամբ հարձայողական բնույթի գործողություններ իրականացնելու մտադրություն չունի, իսկ ինչ վերաբերում է տարածաշրջանում այսպես կոչված՝ զինատեսակների մրցավազքին, նա հիշեցրեց, որ ՀՀ–ն Ադրբեջանին առաջարկել է ստեղծել փոխադարձ սպառազինությունների վերահսկման մեղխանիզմ․ «Այս առաջարկն ուժի մեջ է մնում»,– նշեց Կոստանյանը։

Նրա խոսքով՝ զենք ձեռք բերելով՝ Հայաստանն իրացնում է իր սուվերեն իրավունքն ու զարգացնում պաշտպանական կարողությունները։

Նա նաև նշեց, որ երկար ժամանակ է` սպասում են Հայաստանի կողմից ներկայացրած առաջարկների վերաբերյալ ադրբեջանական կողմի արձագանքին։

 «Հույս ունենք, որ կարճ ժամանակում կստանանք, որ գործընթացը հնարավոր լինի շարունակել։ Հայաստանը շարունակում է կառուցողական տրամադրված և ներգրավված լինել բանակցություններին»,- լրագրողներին ասաց Կոստանյանը։ 

Այս թեմայով Պատանի հանդիսատեսի թատրոնի տնօրենի ԺՊ է նշանակվել Գոռ Մարգարյանը Կկարոտեմ քեզ, բալես․ դերասան Վլադիմիր Կոստանյանը ցավալի լուր է հայտնել (լուսանկար) «Ժողովուրդ». «Ես եղել եմ և կմնամ ՀՀ քաղաքացի, հանգի՛ստ եղեք». Գևորգ Կոստանյան «Ազգային ժողովն ի՞նչ է անվանվելու` քաղաքացիական ժողո՞վ» Հունվարի 1-ից հանրային տրանսպորոտում 100 դրամանոց մետաղադրամով վճարման տարբերակը կավարտվի և անցում կկատարվի ամբողջական էլեկտրոնային վճարման. Կոստանյան