«Փաստ». Ինչի՞ց են «մոլոքոր» ընկնում ադրբեջանական ու թուրքական քարոզչամեքենաները

«Փաստ» օրաթերթը գրում է. «Ադրբեջանական ու հատկապես թուրքական լրատվամիջոցների, իսկ ավելի ճիշտ՝ քարոզչամիջոցների թեկուզ թռուցիկ դիտարկումը թույլ է տալիս ընդհանրացնել մի քանի հիմնական թեզեր: Հպանցիկ արժե հիշեցնել, որ թշնամական քարոզչամիջոցների ճնշող մեծամասնությունը պետական «գաղափարախոսության» ու «գծերի մեջ» են: Այսինքն, տվյալ դեպքում խոսքը ոչ միայն զուտ քարոզչության մասին է, այլ դրանցում թուրքական ու ադրբեջանական իշխող շրջանակների ռեալ մոտեցումների արտացոլման:

Հիմնականը, ինչ անհանգստացնում է թուրքական ու ադրբեջանական քարոզչամեքենային, այն է, որ Փաշինյանին «խանգարողներ չլինեն», Փաշինյանի «թանին թթու ասող չլինի»: Դա, իրենց ընկալմամբ, ամենից կարևորն է:

Այստեղից էլ արտածվում է դրանց մյուս թեզը, այսպես կոչված՝ «ռևանշիստների» մասին: Ըստ այնմ, «ռևանշիստ» են բնորոշվում բոլոր այն հայերը, այն գործիչները, քաղաքական ուժերը, որոնք Փաշինյանի «թուրքական քայլերգին» համընթաց չեն:

Առանձնահատուկ ուշադրություն է գրավում այն, որ հատկապես թուրքական քարոզչամիջոցները բավականին կենտրոնացած են Ռոբերտ Քոչարյանի վրա: Սա իսկապես բնութագրական է. մարդն արդեն 17 տարի է, ինչ իշխանության ղեկին չէ, բայց թուրքական մամուլը, քարոզչամեքենան նրա դեմ կռիվ են տալիս, ստեղնաշարն ու միկրոֆոններն առած՝ պայքարում են Քոչարյանի ստվերի դեմ, նշում են, որ նա անզիջում է, նրա հետ հնարավոր չէ պայմանավորվել և այլն:

Ինչ վերաբերում է «ռևանշիզմի» թուրք-ադրբեջանական տեսությանը, ապա այն շրջանառող քարոզչության հիմնական փորացավն այն է, որ «իրենց» Փաշինյանին հանկարծ ձեռք չտան, հանկարծ Հայաստանում իշխանություն չփոխվի, մանավանդ՝ հանկարծ ազգային, «չզիջող» ուժեր չգան իշխանության»:

Այս թեմայով Փաշինյանը՝ ադրբեջանական զորախմբի քայլքի ժամանակ (տեսանյութ) Իսրայելը սպառնում է Սիրիայում ոչնչացնել թուրքական ինքնաթիռները «Մարդիկ կսկսեն ընկնել օրը ցերեկով։ Նրանց քունը տասնամյակներով կշարունակվի». Ինչի՞ մասին էր խոսում Վանգան Վրաստանը՝ որպես չեզոք երկիր, տարածաշրջանում անվտանգությունն ապահովելու ներուժ ունի և շահագրգռված է հայ-ադրբեջանական կարգավորմամբ. խորհրդարանի փոխխոսնակ ՀՐԱՏԱՊ. «Ռեդիսոն» հյուրանոցում Փաշինյանը փակվել է Մուրի եւ Իբրահիմ Քալիի հե՞տ