Հանրապետությունում շրջանառվում են օդակաթիլային ինֆեկցիաների մի քանի հարուցիչներ.Ահազանգում է համաճարակաբանը

ԵՊԲՀ համաճարակաբանության ամբիոնի դոցենտ, բժշկական գիտությունների դոկտոր Մերի Տեր-Ստեփանյանի խոսքով՝ այս պահին հանրապետությունում շրջանառվում են օդակաթիլային ինֆեկցիաների մի քանի հարուցիչներ՝ սեզոնային վերելքի հետ կապված. 

- Իհարկե, մենք նշում ենք, որ այսօր գրիպը դոմինանտ է և ավելի հաճախ հանդիպում է գրիպը, բայց կան տարբեր վիրուսներ, «Բոկա», «Գրիպ Բ» որոշ չափով հայտնաբերվում է։ Հավանականությունը, որ մարդը մեկ վիրուսից առողջանալով՝ կարող է միաժամանակ վարակվել մեկ այլ վիրուսով, նույնպես չի բացառվում։ Բարդությունը կարող է արտահայտվել նախ բրոնխիտ թոքաբորբով, որովհետև օդակաթիլայինների բարդությունը հենց սա է, այսինքն՝ կլինիկորեն դա արտահայտվելու է հազով, ընդհանուր թուլությամբ, ջերմությամբ։ Կարող է բարդանալ ավելի լուրջ խնդիրներով՝ սիրտ-անոթային, նյարդային համակարգի կողմից, որ պահանջում են նեղ մասնագիտական բուժում:

Ինչ վերաբերում է տարածված՝ «թաքնված թոքաբորբ» արտահայտությանը և դրա նախանշաններին, մեր զրուցակիցը նախ ասաց, որ «թաքնված թոքաբորբն» ավելի շատ ժողովրդական տերմին է, քան բժշկական։

- Թոքաբորբն արտահայտվում է թուլությամբ, գիշերային քրտնարտադրությամբ, հազով, 37.2-37.5 ջերմությամբ, որոշ դեպքերում՝ է՛լ ավելի բարձր ջերմությամբ։ Սրանք են թոքաբոբի ահազանգող նշանները, ինչը, իհարկե, պահանջում է բժշկի խորհրդատվություն և գործիքային հետազոտություն, որպեսզի այն ախտորոշվի։

Եթե ջերմություն չկա, բայց պահպանվում է թուլությունը, քրտնարտադրությունը, քթահոսությունը, հազը, լիարժեք չեն լավացել, ուրեմն ավելի լավ կլինի դիմեն բժշկի։ Չբուժված թոքաբոբը կարող է հետագայում ավելի լուրջ խնդիրների պատճառ դառնալ: 

Հնարավոր է լինեն նաև բարդություններ, լիարժեք չապաքինված, վիրուսը դեռևս օրգանիզմում լինի, և նորից ունենա կլինիկական ինչ-որ դրսևորում։

Ինչ վերաբերում է վարակված անձանց մոտ արձանագրվող սրտխառնոցին, մեր զրուցակիցն ասաց, որ այդ ամենն ավելի շուտ բնորոշ է նորովարակին, որն անվանում են նաև աղիքային գրիպ։

- Սրտխառնոցը նորովիրուսին բնորոշ կլինիկական ախտանշան է, որը կարող է ավելի երկար ժամանակ պահպանվել։ Սա սովորաբար ինքնուրույն անցնում է, բայց եթե այն երկար ժամանակ շարունակում է անհանգստացնել, պետք է դիմել բժշկի։ Իսկ վիրուսից պաշտպանվելու համար պետք է մարդաշատ վայրերում հնարավորինս քիչ լինել, անհատական պաշտպանիչ միջոցներ կրել և ամենակարևորը՝ սեզոնային գրիպի դեմ ժամանակին պատվաստվել: 

Այս թեմայով Արդյո՞ք քաղաքացին կարող է խանութում ինքնուրույն գնահատել գնվող կաթնամթերքի անվտանգությունը․ Մասնագետը փաստում է՝ ոչ Հասել ենք ծանր ճակատամարտի վերջին տղե՛րք, ժողովուրդը Ձեզ չի ների հերթական խաբեության համար․Հակոբ Ասլանյան Եթե այս կիրակի ընտրություն լինի՝ ՔՊ՝ 24.3%, «Ուժեղ Հայաստան»՝ 8.5%, «Հայաստան»՝ 6.7%, ԲՀԿ՝ 3.3% Քուշներ. ԱՄՆ-ն ցանկանում է կառուցել նոր եվրոպական անվտանգության համակարգ, որը հաշվի կառնի Ռուսաստանի շահերը Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան