Արտոնյալ սակագներով տոմսեր կարող են ձեռք բերել նաև Երևանի հաշվառում չունեցող թոշակառուները. ավագանին որոշում ընդունեց

Գործող որոշմամբ արտոնյալ տոմսեր տրամադրվում են թոշակառուի կարգավիճակ ունեցող անձանց, որոնք ունեն Երևանի հաշվառում, նախատեսվում է նախագծի ընդունման դեպքում Երևանի հաշվառման պահանջը հանել և ըստ այդմ այդ սակագներով տոմսեր ձեռք բերելու իրավունք տալ նաև Երևան քաղաքի հաշվառում չունեցող թոշակառուներին։ Այդ մասին ավագանու նիստի ժամանակ ասաց փոխքաղաքապետ Սուրեն Գրիգորյանը։

 

Ավագանու այսօրվա նիստում ընդունած որոշմամբ առաջարկվում է անվճար երթևեկելու իրավունք տրամադրել նաև՝

 

հաշմանդամություն ունեցող երեխաներին, Երևան քաղաքի հաշվառմամբ 4 և ավելի երեխա ունեցողներին՝ անկախ երեխաների տարիքից:

 

«Նախատեսվում է 1 և 7 օր տոմսերի ուղևորությունների սահմանափակումը վերացնել և դրանք դարձնել անսահմանափակ, ինչպես նաև 90 րոպեի ընթացքում երկու տեղփոխի հնարավորություն տվող տոմսի վավերականության ժամկետը դարձնել 180 րոպե:

 

Որոշումների ուժի մեջ մտնելու ժամանակը նախատեսված է մարտի 1-ը»,- նշեց Սուրեն Գրիգորյանը։

 

«30 օր վավերականության ժամկետը 10 ուղևորության համար սահմանվում է 45 օր ավագանու որոշման դեպքում»,- նշեց նա։